Sciant omnes tam presentes quam futuri quod ego Ricardus filius Rogeri quondam capellani de momerfeld[] et Sibilla uxor mea quondam uxor Roberti de teneray de cuius hereditate nostra terra de halechton[] movet dedimus et concessimus et hac presenti carta nostra confirmavimus deo et ecclesie sancti Gregorii de momerfeld[] et monachis pro loco et tempore deo ibidem servientibus v acras terre in campis de halechton[] pro dei amore et pro anima Roberti de tenerai et pro animabus antecessorum nostrum in puram et perpetuam elemosinam scilicet unam acram ad caput essarti Hugonis de Kinsedelee quam tenet de Sibilla de haia et aliam acram iuxta viam de larode extendentem usque ad forarium thome et dimidiam acram super havechul iuxta sellonem Roberti de brah extendentem usque alinhtemore et dimidiam acram inter terram Thome de croft et terram Nicholai parvi extendentem usque ad moram de croft et unam acram iacentem inter duas acras Henrici filii pretoris extendentem usque ad forarium Henrici clerici de croft et unam acram in Aldefeld iuxta terram Wilekini extendentem usque ad terram Albini de la rode tenend et habend iamdicte ecclesie et monachis libere et quiete pacifice et integre Reddendo inde annuatim duos denarios ad pascha scilicet unum denarium ad cereum et alium denarium ad roelam pro omnibus secularibus serviciis et exactionibus et demandis Hiis testibus Galfrido de Kinsedelee Hugone filio suo Willelmo de cantree et multis aliis

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.