Anno regni regis Henrici vicesimo primo ad festum sancti Martini facta est hec convencio inter fratrem priorem ecclesie sancti Nicholai de Burhistede et eiusdem loci canonicos ex una parte et Hugonem et Adam filios Andree de Hulelehe ex alia s[c]ilicet quod predicti prior et canonici tradiderunt ad firmam predictis h[ugoni] et a[de] quamdam partem terre sue de Cophul quam habuerant ex donacione Ricardi de Cophul que continetur infra has divisas in longitudine ab antique fossa usque ad Perburne et in latitudine a Watlingistrete usque ad Blakelache habend et tenend usque ad terminum duodecim annorum cum communi pastura et aliis communibus aysiamentis ville de Cophul pertinentibus reddendo inde nobis tres solidos ad nativitatem beate Marie pro omni servicio et demanda nobis pertinente salvo nobis sito unius molendini et aqua et aliis que ad usum molendini sunt necessaria Predicti vero Hugo et Adam domum competentem triginta pedum absque alis in terra illa edificabunt cuius grossa materia erit de quercu et orreum quod ibi inveniunt emendabunt et sustinebunt et totam terram illam que coli potest colent Predicti vero prior et canonici predictis Hugoni et Ade iamdictam terram usque ad terminum prefixum warantizabunt et hoc termino transacto terra cum edificiis priori et canonicis quieta remanebit et ut hec convencio debite firmitatis robur optineat presens pagina presentis sigilli impressione roboratur Testibus domino Roberto de Lathum Simone de Halsal[] Waltero de Scarisbrec Henrico de Stanidis Rogero de Hurilton[] et multis aliis Dat[] anno gracie millesimo ducentesimo tricesimo octavo et infra primum trienium facient predicti Hugo et Adam edificia prenominata

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.