Omnibus Christi fidelibus hoc scriptum visuris Henricus de Lasci Comes Lincolniae constabularius Cestriae salutem in Domino sempiternam Noveritis nos concessisse et praesenti scripto quatenus in nobis est confirmasse priori et canonicis de Burschow et eorum successoribus locum qui dicitur Ruddegate in liberam puram et perpetuam elemosinam prout in carta quam Henricus de Torboc et Elena uxor ejus dictis priori et canonicis inde fecit plenarie continetur ita videlicet quod unus leprosus de feodo nostro de Vidnis vulgo Widnes si inveniatur in dicto loco admittatur et prout unus leprosorum retroactis temporibus in dicto loco existentis consueverat sustentari ibidem rationabiliter sustentetur et post decessum unius alter loco ipsius subrogetur et quod una missa singulis annis in festo Paschae ibidem celebretur et quod nomen nostrum et nomen Margaretae uxoris nostrae in martirologio et in canone conscribantur in memoriam aeternam Et ut haec nostra concessio et confirmatio perpetuae firmitatis robur obtineat praesentem paginam sigilli nostri impressione roboravimus Data apud Haltone die sancti Geronomi confessoris anno gratiae mcc octogesimo quinto

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.