In Dei nomine Amen Anno ab incarnatione ejusdem m ccc quarto Indictione secunda quarto die mensis Junii Vir reverendae discretionis Magister Johannes de Nassington clericus in mei infrascripti notarii [et alioru]m subscriptorum praesentia constitutus fecit constituit et ordinavit suos veros et legitimos procuratores et nuntios speciales discretos viros Dominum Ricardum de Taunton rectorem ecclesiae de Santon et magistrum Willelmum de Yareville rectorem medietatis ecclesiae de Ryllington Eboracensis diocoeseos licet absentes tanquam praesentes et quemlibet eorum in solidum ita quod non sit melior conditio occupantis sed quod per unum ipsorum inchoatum fuerit alter eorum libere prosequi valeat et finire ad prosequendum negotium collationis sibi factae per venerabilem in Christo patrem Dominum Thomam Dei gratia Eboracensem archiepiscopum Angliae primatem de prebenda in ecclesia Beverlacensi quam Dominus Aymo de Quarto nuper optinuit in ecclesia memorata vacante coram Venerabili Capitulo Beverlacensi et aliis quibuscunque personis et judicibus ubicunque eis et eorum altero videbitur expedire necnon possessionem corporalem hujus prebendae nomine praefati Magistri Johannis et pro ipso adipiscendum et retinendum et ad petendum et recipiendum ipsius nomine ad praedictam prebendam prout moris est a dicto venerabili Capitulo se recipi et admitti stallum in choro et locum in capitulo ad dictam spectantia praebendam sibi assignari et praestandum in animam suam quodlibet genus liciti juramenti et provocandum et etiam appellandum secundum quod hujus negotii natura exigit et requirit Promittens se ratum et firmum perpetuis temporibus habiturum quicquid per praefatos procuratores suos vel eorum aliquem actum fuerit in praemissis et qualibet praemissorum Et volens eos et eorum quemlibet relevare ab omni onere satisdandi promisit mihi notario infrascripto scriptanti nomine et vice omnium quorum interest vel poterit interesse judicio sisti et judicatum solvi sub ypoteca rerum suarum Acta fuerunt haec apud Eboracum infra curiam hospitii sui sub anno die mense et indictione praenotatis Praesentibus Domino Willelmo de Jaford rectore ecclesiae de Croft Eboracensis diocoeseos et Johanne de Sutton clerico testibus ad praemissa vocatis specialiter et rogatis Et ego Edwardus de Eboraco clericus publicus auctoritate sacrosanctae Romanae Ecclesiae notarius praemissis omnibus unacum dictis testibus praesens interfui et ea rogatus scribere scripsi et in hanc publicam formam redegi signoque meo consueto et nomine roboravi

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.