Pateat universis per praesentes quod nos Hugo de Ottrinham Robertus de Sighlesthorn Thomas le Hird et Willelmus de Spridelington executores testamenti Magistri Walteri de Haxeby quondam Rectoris ecclesiae de Spridelington attornavimus et loco nostro constituimus dilectum nobis in Christo Ricardum Rosce de Beverlaco ad petendum et nomine nostro recipiendum de Hugone de Bussy quondam vicecomite Lincolniensi seu ejus executoribus sexaginta et quinque solidorum sterlingorum in quibus dictus Hugo praefato Magistro Willelmo pro duobus equis et una carecta ab eodem Magistro Willelmo per dictum Hugonem captis pro cariagio victualium Domini Regis versus partes Scotiae faciendo de quibus equis et carecta dictus Hugo praefato Magistro Willelmo nondum satisfecit Ratum habituri et gratum quicquid dictus Ricardus nomine nostro in hac parte duxerit faciendum In cujus rei testimonium quia sigilla nostra sunt incognita sigillum Capituli [etc.] praesentibus procuravimus apponi Datis Beverlaci die Veneris proxima post festum sancti Jacobi Apostoli anno Domini m ccc quinto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.