In Dei nomine Amen Nos Johannes Commissarius Generalis Venerabilis Capituli Beati Johannis Beverlacensis monemus vos Magistrum Petrum Aymericy gerentes vos pro fratre et ejusdem Capituli Canonico in virtute juramenti praestiti et sub periculo perjurii suarumque excommunicationum generalium prolatarum primo secundo et tertio peremptorie cum qualitas negotii hoc exposcat quatinus desistatis ab impugnatione jurium jurisdictionum libertatum et consuetudinum laudabilium ad dictum capitulum laudabiliter spectantium approbatorum usitatorum et laudabilium et in pace observatorum ex antiquo cujus contrarii memoria non existit Inhibentes ex parte et auctoritate dicti capituli vobis ne trahatis seu trahi procuretis venerabiles viros Magistro Walterum de Glovernia Willelmum de Lincoln et Henricum de Carlton dicti Capituli canonicos seu alios quoscumque dicti Capituli subjectos ad vetitum examen coram judice ecclesiastico vel seculari de hiis quorum cognitiones primariae ad dictum Capitulum pertinere dinoscuntur praecipue cum tam dicti Magistri Walterus Willelmus et Henricus quam alii dicti Capituli subjecti coram dicto Capitulo seu Commissario parati sunt et offerunt cum effectu quibuslibet de se conqueri volentibus facere et observare justitiae complementum Ad haec auctoritate praemissa monemus sicut prius vos Magistrum Petrum et sub periculo quo prius quatinus in personam vestram observare prout decet ac reverenter velitis statuta salubria per Venerabilem patrem Johannem Archiepiscopum in ecclesia Beverlacensi et per successores suos laudabilius approbata Inhibentes sub periculo quo prius ne inconsulto praelato nostro contra ea in aliquo venire temere attemptetis protestantes nomine Capituli supradicti nos nolle juri regio seu dignitati regiae per praemissas monitiones in aliquo derogare sed jura libertates et consuetudines hujus ecclesiae laudabiles et approbatas illaesas velle prout tenemur observare A[nno] D[omini] m ccc quinto Ego Johannes subscribo Ego Bernardus de Kyrkeby vicarius ecclesiae Beati Johannis Beverlacensis subscribo Ego H[] de Ottringham vicarius in ecclesia Beati Johannis subscribo Factae fuerunt istae monitiones die Sancti Edmundi Regis A[nno] D[omini] m ccc quinto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.