Universis sanctae matris ecclesiae filiis pateat per praesentes quod ego Johannes de Fitteling clericus venerabilis Capituli Sancti Johannis Beverlacensis ad petendum colligendum et recipiendum Christi fidelium elemosinas nomine dicti Capituli fabricae ecclesiae Beati Johannis praedicti et capsulae ejusdem Sancti in provincia Eboracensi et dyocesi Lincolniensi procurator generalis habensque potestatem specialem alium procuratorem loco mei ad praemissa et ad alia contenta in meo mandato principali faciendi substituendum in locis memoratis Dilectum mihi in Christo Eliam de Lumby socium meum clericum quotiens me abesse contigerit ad faciendum in praemissis quae facturus essem si personaliter interessem secundum vim formam et effectum mandati mei principalis procuratorem meum substituo Ratum et firmum habiturus quicquid idem Elyas substitutus meus ut praemittitur nomine meo duxerit faciendum In praemissorum omnium et singulorum testimonium sigillum meum praesentibus est appensum Et in signum probationis sigilli mei quod pluribus est incognitum sigillum venerabilis Capituli praedicti per modum collationis praesentibus apponi procuravi Datis Beverlaci xij Kalendas Martii anno Domini m ccc quinto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.