Idibus Aprilis A[nno] D[omini] m ccc sexto comparuit coram Capitulo Magistris Waltero de Glouvernia H[] de Carlton et Willelmo de Sothill Canonicis tunc Capitulum facientibus Magister Willelmus de Byrston procurator Domini Walteri Reginaldi cui Dominus Rex contulit praeposituram Beverlacensem ratione Archiepiscopatus tunc vacantis et in manu sua existentis porrexit dicto Capitulo collationem domino suo de dicta praepositura factam in haec verba Collatio Edwardus Dei gratia Rex Angliae Dominus Hiberniae et dux Aquitaniae Omnibus ad quos praesentes litterae pervenerint Salutem Sciatis quod dedimus et concessimus dilecto clerico nostro Waltero Reginaldi praeposituram Beati Johannis in ecclesia Beverlacensi vacantem per mortem Magistri Roberti de Alburwyk nuper Praepositi ejusdem ecclesiae et ad nostram donationem spectantem ratione Archiepiscopatus Eboracensis nuper vacantis et in manu nostra tunc existentis Habendum cum omnibus juribus et pertinentiis suis quibuscunque In cuius rei testimonium has litteras nostras fieri fecimus patentes Teste me ipso apud Wyntoniam iij die Aprilis anno regni nostri tricesimo quarto Procuratorium procuratoris Praepositi Lecta dicta collatione dictus procurator ad declarandum potestatem mandati per dictum Dominum Walterum dominum suum sibi dati quoddam interposuit procuratorium in scriptis cujus tenor talis est Pateat universis per praesentes quod nos Walterus Reginaldi praepositus ecclesiae Sancti Johannis Beverlacensis Eboracensis Dyocesoeos ad recipiendum nomine nostro possessionem corporalem dictae praepositurae cum suis pertinentiis universis et omnia alia expedienda quae in ipsius possessionis adeptione [necessaria] fuerint seu etiam opportuna necnon ad faciendum et disponendum de servientibus et ministris ejusdem fructibus proventibus ac etiam universis singulis obventionibus ipsam praeposituram qualitercunque contingentibus prout melius et commodius videbitur expedire dilectum nobis in Christo Magistrum Willelmum de Birston clericum procuratorem nostrum verum et legitimum ordinamus facimus et constituimus per praesentes dantes eidem insuper in omnibus causis et negotiis potestatem specialem et mandatum generale nomine nostro et praepositurae praedictae agendi defendendi in animam nostram quodlibet generis liciti sacramenti praestandi status nostri reformationem et integram restitutionem necnon expensas damna et interesse totiens quotiens opus fuerit petendi recipiendi crimina et defectus judicandi ac cetera omnia et singula faciendi et expediendi quae in praemissis vel aliquo praemissorum mandatum exigunt generale vel speciale alium procuratorem loco sui substituendi substitutum revocandi quotiens et quando eidem videbitur expedire pro eodem etiam et ab ipso substituto rem ratam haberi et judicatum solvi sub ypoteca rerum nostrarum promittimus et exponimus cautiones In cujus rei testimonium sigillum venerabilis patris Domini Willelmi Dei gratia Coventrensis et Lichfeldensis Episcopi eo quod sigillum proprium pluribus est incognitum praesentibus est appositum Datis Wyntoniae vj die Aprilis A[nno] D[omini] m ccc sexto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.