Tertio decimo Kalendas Maii A[nno] D[omini] m ccc sexto Praesentavit nobis Magister Willelmus de Lincoln Dominum Thomam de Jarewell ad vicariam stalli sui vacantem per canonicam amotionem Roberti de Grymmesby pro eo quod idem Robertus infra annum secundum constitutionem inde factam non fuit ordinatus in presbyteratum cujus praesentationis tenor talis est Reverendo in Christo Capitulo Beati Johannis Beverlacensis suus devotus clericus Willelmus de Lincoln in eodem Capitulo concanonicus et confrater Salutem et fraternae caritatis continuum incrementum Ad vicariam stalli mei in ecclesia Beati Johannis praedicti vacantem et ad praesentationem meam spectantem Dilectum mihi in Christo Dominum Thomam de Jarewell capellanum praesento vestrae reverentiae humiliter supplicans et devote quatinus ipsum ad ipsam vicariam velitis admittere sibique ulterius facere ex vestro officio quod incumbit Datis apud Beverlacum die Sabbati proxima post festum Annuntiationis Beatae Mariae A[nno] D[omini] millesimo trecentesimo sexto Qui quidem virtute praedictae praesentationis secundum consuetudinem ecclesiae nostrae admissus juramentum praestitit consuetum et installatus fuit per Dominum Johannem de Risindon tunc Camerarium et Dominum Hugonem de Ottringham tunc succentorem donec discussum fuerit per quem vel ad quem installatio canonicorum et vicariorum et aliorum portianatorum in ecclesia nostra debeat pertinere Magistris Waltero de Glouvernia H[] de Carlton et Domino W[] de Sothill canonicis Capitulum facientibus dicto die

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.