Universis pateat per praesentes quod Nos Capitulum [etc.] in omnibus causis negotiis querelis quaestionibus articulis motis vel movendis coram Venerabili in Christo patre Domino Willelmo Dei gratia Eboracensi Archiepiscopo Angliae primate vel ejus commissariis quibuscunque super compertis in visitatione ejusdem patris nuper in capitulo nostro nos vel aliquem nostrum seu statum ecclesiae nostrae vel Bedernae qualitercunque tangentibus quibuscunque diebus et locis contra quoscunque adversarios nostros Dilectos nobis in Christo Dominum Johannem de Risindon perpetuum vicarium nostrum et Willelmum de Tenleby clericum conjunctim et divisim ita quod non sit melior conditio occupantis sic quod per unum eorum inceptum fuerit per alium terminetur nostros procuratores facimus ordinamus et constituimus per praesentes Dantes eisdem vel eorum alicui generalem [...] Juramentum tam de calumpnia quam de veritate dicenda in animas nostras praestandi quasdam ordinationes et statuta tam statum nostrum ecclesiamque nostram quam etiam vicarios officiatos et ceteros ministros ecclesiae nostrae quam etiam Bedernae contingentia exhibendi et super nobis objiciendis communiter vel divisim sive ad partis instantiam sive ex officio respondendi mandata canonica et injuncta audiendi et suscipiendi et omnia alia faciendi procurandi expediendi et recipiendi cum continuatione et prorogatione dierum quae in praemissis vel aliquo praemissorum fuerint necessaria vel etiam opportuna etiam si mandatum exigant speciale Pro eisdem procuratoribus vel eorum altero Rem ratam [...] iiij Kalendas Decembris

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.