Universis sanctae matris ecclesiae filiis ad quorum notitiam pervenerit haec scriptura Willelmus permissione divina [etc.] Salutem in sinceris amplexibus Domini Jesu Christi Ecclesiarum et altarium dedicatio a Deo primitus stabilita eo Christi fidelibus magis proficit ad salutem quo in ipsis Rege coelorum per mystica munera complacato peccatorum remedia facilius impetrantur Cupientes igitur per allectiva indulgentiarum munera mentes fidelium ad caritativae devotionis opera quantum cum Deo possimus propensius excitare de ejusdem Dei omnipotentis misericordia et gloriosae Virginis matris suae beatorum Apostolorum Petri et Pauli necnon Sanctissimi confessoris Willelmi omniumque sanctorum meritis confidentes omnibus parochianis nostris et aliis quorum diocesani hanc nostram indulgentiam ratam habuerint de peccatis suis vere confessis et contritis qui ad majorem ecclesiam Beverlaci nostrae diocoesis in honore S[ancti] Johannis Evangelistae constructam causa orandi devote accesserint et magni altaris quod in honore Beati Johannis Archiepiscopi dedicavimus in eadem de bonis suis sibi a Deo collatis in sustentatione luminarium ornamentorum vel alias qualitercunque pie honoraverint ac etiam ad celeberiorem statum capsulae quae reliquias Beatissimi confessoris Johannis in ipsa ecclesia habet venerabiliter reconditas et ad fabricam praedictae ecclesiae Beverlacensis manus porrexerint adjutrices et pro animabus omnium fidelium defunctorum ac pro statu et tranquillate regni Angliae orationem dominicam cum salutatione Beatae Virginis dixerint pura mente quadraginta dies de injuncta sibi poenitentia Deo propitio misericorditer relaxamus Indulgentias a venerabilibus patribus co episcopis nostris regni Angliae ad id concessas et inposterum concedendas ratas habentes pariter et acceptas In cujus rei testimonium sigillum praesentibus est appensum Datis apud Mapelton xj Kalendas Julii anno gratiae m ccc octavo et Pontificatus nostri sexto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.