Pateat universis per praesentes quod ego Willelmus de Melton clericus in omnibus causis et negotiis personam meam seu res meas qualitercunque contingentibus pro me vel contra me motis vel movendis coram quibuscunque judicibus ordinariis delegatis vel eorum commissariis ad instantiam partis vel ex officio judicis in visitationibus synodis seu aliis convocationibus quibuscunque qualitercunque procedentibus quibuscunque diebus et locis quotienscunque me abesse vel adesse contigerit Dilectos mihi in Christo Magistrum Rogerum de Welton Nicholaum de Hugate clericos Willelmum de la Mare et Robertum de Clyff procuratores meos conjunctim et divisim et quemlibet eorum in solidum ita quod non sit melior conditio occupantis sic quod unus inchoaverit alius prosequi valeat et finire ordino facio et constituo per praesentes Dantes eisdem et eorum cuilibet generalem potestatem et mandatum speciale nomine meo agendi defendendi excipiendi replicandi ponendi positionibus respondendi crimina et defectus objiciendi negotia praesentationum vel collationum de quibuscunque beneficiis ecclesiasticis de me factarum vel faciendarum in forma debita prosequendi institutionem et installationem canonicas corporalisque possessionis dictorum beneficiorum inductionem statusque mei reformationem et in integrum restitutionem quotiens opus fuerit expensas et interesse quodlibet petendi et recipiendi canonicam obedientiam faciendi juramentum de calumpnia et de veritate dicenda et quodlibet aliud genus liciti sacramenti in animam meam praestandi appellandi appellationis causas prosequendi et alium procuratorem seu procuratores loco eorum cujuslibet substituendi procuratorisque officium reassumendi et omnia alia et singula faciendi quae per veros et legitimos procuratores seu procuratorem potuerint expediri etiam si mandatum exigant speciale Pro eisdem vero procuratoribus et eorum quolibet substituto vel substitutis ab eisdem vel eorum aliquo rem ratam haberi et judicatum solvi sub hypotheca rerum mearum promitto et expono cautiones Haec autem praemissa omnibus et singulis quorum interest significo per praesentes litteras sigillo meo signatas Et quia sigillum meum quampluribus est incognitum sigillum Venerabilis Patris Domini W[] Dei gratia Wigornensis electi comfirmati una cum sigillo meo per modum collationis praesentibus apponi procuravi Datis apud Wyndesore xxviij die mensis Aprilis anno gratiae m ccc octavo

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.