Die Sancti Eadmundi regis et martyris anno Domini m ccc octavo comparuit coram nobis Capitulo Willelmus de la Mare procurator Venerabilis viri Domini Willelmi de Melton et porrexit quandam litteram Capitulo directam per Dominum Archiepiscopum cujus tenor talis est Willelmus permissione divina [etc.] Capitulo [etc.] Quia praeposituram ecclesiae nostrae Beverlacensis vacantem per consecrationem Domini Walteri Reginaldi quondam ecclesiae praedictae Praepositi in episcopum Wygornensem et ad nostram collationem spectantem dilecto filio Domino Willelmo de Melton clerico cum suis juribus et pertinentiis universis contulimus intuitu caritatis vobis mandamus quatinus ipsum vel procuratorem ejus nomine in corporalem possessionem praepositurae praedictae jurium et pertinentiarum ejusdem inducatis et defendatis inductum facientes sibi de ipsius praepositurae fructibus et proventibus integraliter responderi et circa personam ipsius quod vestrum est more solito ulterius exequentes Valete Datis apud Cawod xxij die Octobris anno gratiae millesimo ccc octavo et pontificatus nostri tertio Nos vero Capitulum Beverlacense visis litteris dicti Patris et procuratorio dicti procuratoris quorum tenores superius continentur habitoque tractatu qui requiritur in hoc casu dictum Dominum Willelmum ad praesentationem dicti Patris ad praeposituram praedictam secundum vim formam et effectum mandati dicti Patris quatenus ad nos attinet in persona procuratoris praedicti admisimus et in possessionem ipsius induci fecimus corporalem Administrationem tamen in bonis ipsius praepositurae nullam tunc concessimus donec dictus Dominus Willelmus nobis in Capitulo nostro personaliter praestiterit debitum juramentum et etiam consuetum ad quod faciendum assignavimus dicto Willelmo in persona procuratoris sui praedicti diem citra festum Purificationis Beatae Mariae Virginis qui procurator promisit se facturum et curaturum quod dictus Dominus suus in Capitulo deberet personaliter comparere ad praestandum juramentum ratione admissionis praepositurae praedictae debitum et etiam consuetum Quo die adveniente Dominus Rex pro dicto Willelmo suas litteras dirigebat quorum tenor talis est [...] Quae littera est in cophino anno Domini m ccc sexto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.