Universis pateat per praesentes quod ego Thomas de Grymmesby presbiter cantariae quam inclitae recordationis Dominus Edwardus dudum Rex Angliae in ecclesia Beati Johannis Beverlacensis ordinavit recepi de venerabili Capitulo Beati Johannis praedicti per manus Domini Johannis de Risindon dictae ecclesiae Camerarii nomine stipendii mei mihi ratione dictae cantariae debiti a iij Kalendas Aprilis A[nno] D[omini] m ccc nono usque ad idem festum anno revoluto centum solidos bonorum et legalium sterlingorum Renuntians pure sponte et absolute omni actioni mihi contra dictum Capitulum ex hac hora inantea ad petendum quodcunque stipendium occasione dictae cantariae mihi dudum per ipsum Capitulum collatae qualitercunque competenti seu competiturae Promittens bona fide quod dictum Capitulum occasione dictae cantariae nunquam vexabo nec vexari aliqualiter praestabo et si qua actione contra dictum Capitulum quod absit qualitercunque intenta vero super praemissa cantaria seu stipendio mihi pro dicta cantaria solvi consueto volo et concedo quod dicta actio inanis et irrita reputetur In cujus rei testimonium sigillum meum praesentibus est appositum Datis Beverlaci v Kalendas Julii A[nno] D[omini] m ccc decimo

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.