Hec est conuencio facta inter Johannem Byset ex una parte et Hugonem abbatem et conuentum C ex altera viz quod Johannes Biset quietam clamauit pro se et heredibus suis jnperpetuum cantariam quam dictus abbas et conuentus inuenire solebant in capella de Wygewald jta quod si predictus Johannes vel heredes sui vel aliquis de suis qui moram ibi fecerit diuina ibidem audire uoluerint habeant capellanum suum ad sumptus suos proprios prestita securitate ab eodem capellano qui ibidem diuina celebrabit eidem abbati et conuentui de omnibus obuencionibus eiusdem capelle predictis abbati et conuentui et ecclesie de C fideliter persoluendis Si uero homines de Wygewald dictum abbatem uel successores suos super dictam cantariam jnquietauerint propter quod jdem abbas vel successores sui expensas fecerint dictus j[ohannes] uel heredes sui medietatem dictarum expensarum eidem abbati et conuentui persoluent In huius rei testimonium huic scripto jn modum cyrographi confecto tam dictus Johannes quam jdem abbas sigilla sua apposuerunt jta quod parti Johannis sigillum abbatis est appensum et parti ipsius abbatis sigillum prefati Johannis est appositum Hiis testibus domino Willelmo de Ebor[] domino Willelmo de Insula domino Radulfo de Nortwiz domino Thurstano Dispensatore domino Radulfo de Chandos tunc justiciariis domini regis jtinerantibus jn comitatu Glouc[] anno r r Henrici filii regis Johannis vicesimo Willelmo de la Mare p[etro] de Egeswrth[] Stephano de Harunhull[] Galfrido de Langel[] Ricardo de Bagingd[] Ranulfo de Cotes Hugone Benne et multis aliis

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.