Processus loquele inter Johannem de London[] et abbatem de v mesuagiis in C que petebat uersus eum ad bancum Lond[] per breue de consanguinitate a die s Trinitatis in xv dies anno r r Henrici filii regis Johannis xlii Ad quem diem abbas fecit defaltam Et capta fuerunt in manus domini regis Et datus fuit dies a die s Michaelis in xv dies Et abbas ante diem replegiauit et venit ad bancum et fecit attornatos suos Nicholaum de C et Johannem Bonualet Et datus fuit dies prece parcium a die s Hillarii in xv dies Ad quem diem iterum datus fuit dies a die Pasche in xv dies Ad diem illum essoniati fuerunt predicti attornati abbatis Et datus fuit dies a die s Johannis in xv dies Et ante hunc diem reddidit dominus abbas dicto Johanni quicquid inde tenuit sc reddidit quatuor mesuagia et vnum mesuagium quod tenet in dominico et hoc ad peticionem Johannis Blundel Et hoc significauit abbas dicto Johanni in festo s Johannis Baptiste per Adam de Yllega et dictus Johannes inde bene fuit contentus et sic recessit dictus Adam non respiciens predictum diem datum a die s Johannis in xv dies Ad quem diem venit Johannes de London[] et sequebatur asserens quod abbas ei nichil inde fecerat et sequebatur Sic Johannes de London[] et Matill[] vxor eius optulerunt se iiii die uersus abbatem C de placito v mesuagiorum cum pertinenciis in C que clamat ut ius ipsius Matill[] uersus eum et ipse non venit et habuit diem per essonium suum ad hunc diem Postquam comparuit in curia sc a die s Hillarii in tres septimanas et habuit diem prece parcium Judicium predicta mesuagia capiantur in manus domini regis et ipse summoneatur quod sit a die s Michaelis in xv dies auditurus iudicium suum Ad quem diem venit Johannes Bonualet attornatus abbatis et calumpniauit Johannem Blundel super ista decepcione Et facta mora diutina Venit dictus Johannes de London[] per assensum j[ohannis] Blundel et petiit licenciam recedendi de breui suo eo quod predictum tenementum est de antiquo dominico domini regis nec debet hic de eodem tenemento placitari et habet et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.