Anno gracie mccc quinto circa Purificacionem b Marie coram dominis Johanne Botetourt[] Willelmo Haward Thoma de Snyterton[] et Nicholao Fermbaud justiciariis jtinerantibus de transgressionibus apud Glouc[] Juratores villate de C presentant quod Johannes de Dunesden[] balliuus abbatis de C Robertus de Lullebrok[] Johannes de Lullebrok[] Ricardus Abbot Johannes Attayse Galfridus de Poleham Walterus de Brok[] et Rogerus Pope familiares predicti abbatis de C simul cum aliis ignotis die s Mathei apostoli anno r r e[dwardi] xxix venerunt ad domum Walteri Thedwyne et ibidem vnam molam manualem ceperunt et fregerunt cum pluribus aliis petris Item fregerunt vnam petram de mola manuali ad domum Ricardi de Hayle Item ceperunt et fregerunt vnam molam manualem ad domum Willelmi Waleys Item ceperunt et fregerunt ad domum Thome Tilly et eciam fregerunt vnam molam manualem ad domum Rogeri Queordelyoun et eam cum carecta predicti abbatis in abbaciam de C cariauerunt Et predictus Johannes de Dunesden[] venit et non dedicit predictam fractionem molarum Et tanquam balliuus predicti abbatis bene aduocat predictam fractionem molarum et cetera Et iuste et cetera Dicit enim quod predictus Walterus Theodwyne et omnes alii sunt tenentes predicti abbatis de manerio suo de C quod est de antiquo dominico domini regis ad quod quidem manerium tria molendina pertinent et cetera Et dicit predictus Walterus et alii de nouo leuauerunt predictas molas in preiudicium predicti abbatis domini sui et contra consuetudinem predicti manerii et cetera eo quod sectam debent ad molendina ipsius abbatis in C de bladis suis ibidem molendis et blada sua ad easdem molas moluerunt subtrahendo se de secta quam debent et cetera alio modo quam facere solebant tempore quo predictum manerium de C fuit in manibus antecessorum domini regis nunc quondam regum Anglie propter quod idem Johannes adiuit domos predicti Walteri et aliorum tamquam balliuus et cetera cum quadam alba virga quam in manu sua nomine balliue sue portabat prout moris est ibidem et eis iniunxit ut amouerent predictum nocumentum qui hoc facere omnino recusabant et resistebant Qui quidem Johannes de Dunesden[] postea assumptis secum Roberto de Lullebrok[] et aliis et cetera predictas molas per preceptum predicti abbatis amoueri fecit sicut ei bene licuit et cetera Et quia non est aliquis qui sequitur uersus predictum Johannem de Dunesden[] et alios et simul cum hoc quia predictum negocium tangit liberum tenementum ideo consideratum est per justiciarios quod nichil inde fiat ad presens et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.