Godefridus permissione divina episcopus Wygorn[] dilectis in Christo filiis abbati et conventui Cirencestr[] ordinis sancti Augustini nostre diocesis salutem graciam et benediccionem Peticio vestra per fratrem Ricardum Byseleye procuratorem vestrum coram magistris johanne de Rodeberewe et Roberto dicto Tankard clericis nostris commissariis archidiaconatus Glouc[] vice nostra visitantibus primo et demum coram nobis proposita continebat quod cum bone memorie dominus Innocencius papa secundus ad peticionem domini Henrici senioris quondam regis Angl[] tunc patroni ecclesie de Amenel[] sancte Marie nostre diocesis donacione juris patronatus ipsius ecclesie per ipsum regem vobis in fundacione vestri monasterii prius facta in usus proprios pleno jure vobis et monasterio vestro concessisset et ex certa sciencia appropriasset vosque ecclesiam ipsam sic vobis appropriatam diutius tenuissetis pacifice et quiete fructus et proventus percipiendo de eadem quidam abbas vestri monasterii sigillum vestrum commune surripiens quendam nepotem suum parsonam secularem absque consensu vestri conventus primo ad predictam ecclesiam de Ameriel[] subdole presentavit cuidam predecessori nostro Wygorn[] episcopo qui dictum presentatum admisit ad predictam ecclesiam et rectorem instituit in eadem cuius possessionem per dolum et fraudem dicti abbatis aliquamdiu amisistis et eodem ducti errore prefata ecclesia vestra destituti estis ut asseritis in presenti in grave prejudicium et enormem vestri monasterii lesionem Nobis humiliter supplicastis per dictum procuratorem vestrum quatinus monasterium vestrum redintegrare et ecclesiam de Amenel[] antedictam vobis et monasterio vestro restituere curaremus Et ut dominum Walterum de Chiltenham possessioni ipsius ecclesie incumbentem et omnes quorum interest ad judicium evocaremus quibus legittime vocatis et premissis omnibus et singulis prefato Waltero solummodo comparenti in forma juris propositis et petitis pari dictum procuratorem idem Walterus omnia et singula premissa cum deliberacione diutina ex certa sciencia pure sponte et absolute in judicio fatebatur coram nobis presente dicto procuratori esse vera Nos igitur qui tenemur ecclesiis nobis subjectis enormiter lesis ex officii nostri debito subvenire quia invenimus tam per inspeccionem vestrorum munimentorum quam per examinacionem testamentorum productorum in hac parte ac eciam per confessionem dicti Walteri sponte et ex certa sciencia coram nobis judicialiter ut premittitur factam juris ordine qui in hac parte requiritur in omnibus observato vos dictam ecclesiam de Amenel[] vobis et monasterio vestro ut premittitur appropriatam habuisse et diutius possedisse ipsamque ecclesiam de Amenel per dolum et fraudem dicti quondam abbatis vestri alienatam fuisse in enormem vestri monasterii lesionem Nos confessionem huius ac probaciones premissas in hac parte sequentes rite procedendo pronunciamus vestrum monasterium redeintegrandum esse et ipsam ecclesiam de Amenel vobis et monasterio vestro cum suis juribus et pertinenciis universis in usus proprios perpetuo possidendam restituimus per decretum ipsamque ecclesiam ad jus et proprietatem vestram et monasterii vestri perpetuo pertinere sentencialiter et diffinitive declaramus et ipsum Walterum quatenus de facto possessioni ipsius ecclesie incumbit ex causis premissis a jam dicte ecclesie possessione summaliter ammovemus ac eciam vos seu procuratorem vestrum nomine vestre in possessionem ecclesie predicte decernimus fore reducendos proviso quod eidem ecclesie per aliquem de vestris canonicis vel alium secularem presbiterum honestum secundum formam privilegii a bone memorie domino Alexandro papa tercio vobis super hoc concessi quo hactenus estis usi deserviri faciatis congrue in divinis salva nobis et successoribus nostris et ecclesie nostre Wygorn[] pontificali et archidiaconali in omnibus dignitate In testimonium et memoriam rei geste sigillum nostrum de nostri consciencia presentibus est appensum Dat[] apud Hertlebury decimo kal Januarii anno Domini mcc nonagesimo octavo nostre vero consecracionis tricesimo primo

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.