Anno regni regis Edwardi vicesimo in festo Nativitatis beati Johannis Baptiste ita convenit inter dominum h[enricum] abbatem Cirenc[] et eiusdem loci conventum ex parte una et Aliciam filiam Johannis Hathewy de Throham ex altera videlicet quod predicti abbas et conventus tradiderunt et concesserunt predicte Alicie unam peciam terre arabilis in campo occidentali de Throham que quidem pecia jacet in parte australi molendini ventricii inter terram quondam Rogeri le Blake in parte boriali et terram predicti domini abbatis in parte australi in escambium pro una pecia terre jacente in eodem campo in parte australi de Throham inter terram quondam Roberti le Frankelcyn et terram Johannis Hathewy et extendit super murum qui ducit de Throham versus Clyveshale ita quod predicta Alicia et heredes sui et sui assignati habeant et teneant predictam peciam terre cum suis pertinenciis de predictis abbate et conventu per modum escambii imperpetuum et predicti abbas et conventus habeant et teneant predictam peciam terre cum omnibus suis pertinenciis de predicta Alicia et heredibus suis per modum escambii imperpetuum Et ut hec convencio tradicio et concessio rata et stabilis imperpetuum permaneat huic presenti scripto in modum cirographi confecto partes alternatim sigilla sua apposuerunt Hiis testibus

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.