Anno regni regis Edwardi vicesimo in festo apostolorum Petri et Pauli ita convenit inter dominum Henricum abbatem Cirenc[] et eiusdem loci conventum ex parte una et Johannem Hathewy de Throham ex altera videlicet quod predicti abbas et conventus tradiderunt et concesserunt predicto Johanni et heredibus suis unam peciam terre arabilis jacentem in campo occidentali de Throham versus Clyveshale inter murum qui ducit de Throham versus Clyvesh[] et terram Walteri Asketil et se extendit super terram Rogeri Fabri in parte australi et super terram[] predicti abbatis in parte boriali in escambium pro una acra terre jacente in eodem campo inter terram predicti abbatis in parte australi et terram quondam Willelmi Asketil in parte boriali et se extendit super predictum murum in parte orientali et pro una pecia terre jacente in parte australi ville de Throham inter murum de Achardesinhethingg[] et terram quondam Roberti le Frankelayn in parte australi et se extendit super murum qui ducit de Throham versus Clyveshal[] in parte orientali ita quod predictus [johannes] Hathewy et heredes sui habeant et teneant totam predictam pedam terre cum omnibus suis pertinenciis de predictis abbate et conventu per modum escambii imperpetuum Et predicti abbas et conventus habeant et teneant predictam acram terre et totam predictam peciam terre integram cum omnibus suis pertinenciis de predicto Johanne Hathewy et de heredibus suis per modum escambii imperpetuum Et ut hec convencio tradicio et concessio rata et stabilis imperpetuum permaneat huic presenti scripto in modum cirographi confecto partes alternatim sigilla sua apposuerunt Hiis testibus

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.