Universis Christi fidelibus praesens scriptum visuris vel audituris sacrista decanus et magister scolarum Cyrencestriae aeternam in Domino salutem Virorum venerabilium abbatis de Eynesham prioris Sanctae Fredeswidae et decani Oxoniae mandatum suscepimus in haec verba [...] Hoc idem partibus et subdelegatis nostris significamus Item [...] Hoc idem partibus et subdelegatis vestris significamus Item [...] Hoc idem partibus significamus Litteras etiam eisdem a domino papa directas inspeximus sub hac forma [...] Harum igitur litterarum et dicti auctoritate mandati partibus per procuratores legitimos in nostra praesentia constitutis fundaverunt abbas et conventus Gloucestriae intentionem suam in hunc modum Dicunt abbas et conventus Gloucestriae contra abbatem et conventum de Lyra et priorem de Acle quod minus juste percipiunt omnes decimas quascunque percipiunt nomine capellae de Esse quas quidem decimas dicunt abbas et conventus Gloucestriae ad ecclesiam suam do Foy de jure communi spectare Unde petunt dictas decimas nomine ecclesiae suae de Foy sibi sententialiter adiudicari et hoc dicunt salvo sibi jure addendi diminuendi etc Contra magistrum Reginaldum Folioth dicunt abbas et conventus Gloucestriae quod minus juste percipit omnes decimas quascunque percipit nomine capellae de Strongeforde quas quidem decimas dicant dicti abbas et conventus ad ecclesiam suam de Foy de jure communi spectare Unde petunt dictas decimas nomine ecclesiae suae de Foy sibi sententialiter adjudicari et hoc dicunt salvo sibi jure addendi diminuendi etc Post diutinam vero concertationem coram nobis habitam pro vitandis laboribus et expensis ac periculis partes utrinque ordinationi nostrae se totaliter subjecerunt promittentes et firmiter obligantes se perpetuo inviolabiliter observaturas quicquid inter ipsas canonice duxerimus ordinandum Nos itaque communicato virorum prudentium consilio ordinavimus in hunc modum videlicet quod abbas et conventus de Lyra in perpetuum habeant et teneant capellas de Strongeforde et de Esse et omnes proventus earum absque reclamatione abbatis et conventus Gloucestriae quiete percipiant Omnesque consuetudines et quascunque exactiones omnia etiam onera ordinaria et extraordinaria dictas capellas contingentia sustineant salvis monasterio Gloucestriae et prioratui do Ewyas portionibus quas ante litem motam solebant recipere de dominico apud Esse Ordinavimus etiam quod abbas et conventus de Lira pro bono pacis solvant per manum procuratoris eorum in Anglia abbati et conventui Gloucestriae sex marcas annuas apud Gloucestriam scilicet tres marcas ad festum Sancti Dyonisii et tres marcas ad festum Sancti Ethelberti non obstante aliqua reclamatione vel contradictione ordinarii Herefordensis qui pro tempore fuerit vel sequestratione dictarum capellarum ita quod si aliquem terminum statutum a solutione ipsos cessare contigerit singulis septimanis quibus cessaverint dabunt abbati et conventui Gloucestriae dimidiam marcam nomine poenae principali obligatione super annuo redditu sex marcarum in suo robore nihilominus perdurante Et ut haec ordinatio nostra a partibus gratanter recepta et concorditer acceptata inter monasteria perpetuae firmitatis robur obtineat ipsam auctoritate apostolica qua fungimur duximus confirmandam detenta nobis de expresso consensu partium perpetua potestate ut do plano et absque strepitu judiciali possimus omnes pariter vel duo nostrum aut saltim unus qui interpellatus fuerit et successores nostri non obstante fori privilegio exceptione appellatione regia prohibitione do dolo replicatione in integrum restitutione constitutione de duabus dietis aut alio legum et juris canonici et civilis remedio partem ordinationem nostram non servantem quotiens opus fuerit ad observantiam ipsius in omnibus et singulis capitulis compellere per excommunicationis et interdicti sententiam et per alias poenas canonicas prout magis visum fuerit expedire In cujus rei testimonium et securitatem anno Domini millesimo ducentesimo quadragesimo secundo mense Julii praesenti scripto per modum cyrographi inter partes diviso sigilla nostra una cum sigillis utriusque monasterii duximus apponenda

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.