Teobaldus Dei gratia Cantuariensis archiepiscopus totius Angliae primas Apostolicae Sedis legatus venerabili fratri et amico Nicholao Landavensi episcopo et universis aliis Sanctae Ecclesiae fidelibus salutem Visis cartis monasterii Beati Petri Gloucestriae et juramento multorum testium sanae opinionis accepto super ecclesia Beati Gundlei de Novo Burgo ex quibus cum aliquotiens controversia in nostra praesentia inter Willelmum comitem Gloucestriae et Hamelinum abbatem praefati monasterii super eadem ecclesia agitata fuisset intelligentes illam ecclesiam ad jus jam dicti monasterii pertinere consilio venerabilium nostrorum videlicet Hillarii Cycestrensis et Roberti Bathoniensis et Jocelini Saresbiriensis et Nigelli Elyensis et Nicholai Landavensis episcoporum praedictam ecclesiam Beati Gundlei abbati et monachis Gloucestriae adjudicavimus Deinde inspecta carta praefati comitis advocati hujus ecclesiae qua illam ecclesiam cum omnibus pertinentiis suis praedicto monasterio liberam et quietam in perpetuum concessit et dedit et confirmavit ne lapsu temporum quod vel ante nos vel per nos super eadem ecclesia factum est in irritum posset revocari auctoritate qua fungimur saepedictam ecclesiam cum omnibus ad eam pertinentibus monasterio Gloucestriae in elemosinam perpetuam concessimus et praesentis scripti munimine confirmamus et eam ita confirmatam in perpetuum esse concedimus Haec autem confirmatio facta est in anno millesimo centesimo quinquagesimo sexto ab Incarnatione Domini et decimo septimo kalendas Junii Valete

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.