Omnibus Christi fidelibus ad quos praesens scriptum pervenerit Johannes Dei gratia Wygorniensis episcopus salutem in Domino Adeo nostris temporibus saeva malignandi cupiditas excrevit ut ea quae bene gesta sunt et disposita vix inconcussa subsistere vel debita queant tranquillitate gaudere Eapropter ad reprimendam omnium temeritatem et malitiam circumspecta sanctorum patrum discretio religiosorum paci et tranquillitati volens providere ipsos sub praelatorum suorum protectione suscipiendos et bona sua illorum auctoritate statuit esse confirmanda Dilectorum igitur in Christo filiorum Thomae abbatis et monachorum Sancti Petri Gloucestriae justis petitionibus concurrentes grato assensu ut qui religionis et ordinis observantia noscuntur enitere cultui divino et orationibus liberius vacare possint et quietius ipsos sub protectione nostra suscipimus et ecclesias terras decimas et omnia bona quae a retroactis temporibus in dioecesi nostra ex dono regum largitione principum vel oblatione fidelium vel quibuscunque aliis justis modis adepti sunt et usque ad haec tempora pacifice possederunt eis auctoritate nostra confirmamus in perpetuum possidenda et praesentis scripti serie sigillique nostri appositione declaramus confirmata Statuentes et districtius inhibentes ut nullus eos deinceps super hiis temere audeat molestare Datum anno gratiae millesimo centesimo nonagesimo octavo etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.