David Dei gratia Menevensis episcopus omnibus tam clericis quam laicis per dyoecesim suam constitutis salutem et benedictionem Causam venerabilium fratrum nostrorum abbatis et monachorum Gloucestriae super ecclesia Sancti Paterni quam quidam tempore hostilitatis ipsis abstulerunt et aliquantis temporibus injuste detinuerunt occupatam a domino et patre Summo Pontifice Alexandro nobis delegatam suscepimus cognoscendam et fine debito appellatione non admissa terminandam Diligenter itaque veritate inquisita et cognita tam ex] autenticis scriptis eorum nobis per fratres suos Johannem et Philippum transmissis quam ex unanimi attestatione totius capituli nostri quoniam eadem ecclesia ad monasterium jam dictorum fratrum de jure pertineret eandem cum omnibus pertinentiis suis praefato monasterio Gloucestriae capitulo nostro apud Sanctum David convocato adjudicavimus Nos ergo hanc adjudicationem memoratis fratribus factam confirmantes sigilli nostri impressione communimus ipsosque convocato capitulo nostro apud Sanctum David in praescriptam ecclesiam instituimus Haec autem facta sunt anno ab Incarnatione Domini millesimo centesimo septuagesimo quinto Hiis testibus Pontio archidiacono

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.