Sciant praesentes et futuri quod ego Reginaldus Dei gratia abbas Sancti Petri Gloucestriae et ejusdem loci conventus concessimus tradidimus et hac praesenti carta nostra confirmavimus Hugoni filio Ricardi Ernwy de Cotes unam hydam terrae cum suis pertinentiis in villa de Estlecche illam scilicet quam emimus de Willelmo Hayrun tenend et habend de nobis et successoribus nostris in feodo et haereditate sibi et haeredibus suis libere et quiete ab omni servitio ad nos et ad successores nostros pertinente pro xxxii solidis argenti ad quatuor terminos anni nobis et successoribus nostris persolvendis scilicet ad festum Sancti Michaelis ad festum Sancti Andreae ad Annunciationem Beatae Mariae ad Nativitatem Beati Johannis Baptistae ad quemlibet terminum octo solidos Idem vero Hugo juramentum nobis praestitit quod fidelis erit ecclesiae nostrae et maxime de reddendo redditu nostro plenarie statutis terminis et quod nec artem nec ingenium exquiret unde domus nostra per tenuram suam damnum incurrat et quod praedictam terram neque vendet neque excambiet neque in vadimonium ponet neque alicui in feodum et haereditatem tradet sine assensu nostro Eandem securitatem facient nobis haeredes sui cum singuli sibi succedent Idem vero Hugo et haeredes sui regale servitium cum liberis hominibus si exactum fuerit et curiam nostram de Estlecche sequentur et rationabile relevium facient et praeterea singulis annis abbati et conventui Cyrencestriae ad festum Sancti Michaelis cum aliis liberis hominibus nostris de Montana persolvent duodecim denarios de fine eisdem facto de hundredis In cuius rei testimonium praesens scriptum in modum cyrographi inter nos confectum est etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.