Assisa de Edbolleya coram dominis Willelmo de Saham Johanne de Metingham clericis et Rogero Loveday et Ricardo de Boilounde militibus Johannes Pykoth petit versus Johannem abbatem Sancti Petri Gloucestriae unam virgatam terrae et dimidiam cum pertinentiis in Edbolleya ut jus suum in quas idem abbas non habet ingressum nisi post dimissionem quam Beatrix quae fuit uxor Gilberti Pikot quae illas tenuit in dotem de dono praedicti Gilberti quondam viri aui proavi praedicti Johannis cujus haeres ipse est inde fecit fratri Johanni de la Felde quondam abbati Sancti Petri Gloucestriae etc Et abbas per attornatum suum venit et dicit quod non debet praedicto Johanni rode respondere quia dicit quod praedictus Gilbertus proavus ipsius Johannis cujus haeres ipse est dedit concessit et carta sua confirmavit cuidam Henrico quondam abbati Sancti Petri Gloucestriae praedecessori ipsius abbatis et ecclesiae Sancti Petri et monachis ibidem Deo servientibus praedicta tenementa cum pertinentiis in liberam puram et perpetuam elemosinam tenend ipsi abbati et successoribus suis et ecclesiae praedictae de praedicto Gilberto et haeredibus suis et obligavit se et haeredes suos ad warantiam Et profert quandam cartam sub nomine praedicti Gilberti proavi etc quae praedictas warantiam et concessionem testatur desicut idem Johannes per praedictum factum praedicti Gilberti proavi etc teneretur ei praedicta tenementa warantizare si ab alio implacitaretur Petit judicium si contra factum praedictum actionem habere possit etc Et Johannes bene cognovit praedictam cartam et quicquid in ea continetur sed dicit quod per factum illud ab actione repelli non debet quia dicit quod qualecunque factum proferat sub nomine praedicti Gilberti quod idem Gilbertus se de tenementis praedictis nunquam dimisit nec aliquem statum praedicto Henrico abbati praedecessori etc de tenementis praedictis fecit Dicit etiam quod praedictus Gilbertus obiit seisitus de praedictis tenementis post cujus mortem eadem tenementa praedictae Beatrici assignata fuerunt in dotem quae quidem Beatrix tenementa illa postea praedicto Johanni abbati praedecessori etc dimisit Et quod ita sit petit quod inquiratur per patriam et abbas similiter Ideo fiat inde jurata etc Juratores dicunt super sacramentum suum quod praedicta tenementa fuerunt praedicti Gilberti Pikot qui quidem Gilbertus de eisdem tenementis feoffavit praedictum Henricum quondam abbatem praedecessorem praedicti abbatis tenend sibi et successoribus suis et ecclesiae suae praedictae in liberam puram et perpetuam elemosinam et ipsum inde in seysinam posuit per quod feoffamentum idem Henricus abbas seysinam suam per quadraginta dies continuavit et postea idem abbas eadem tenementa praedicto Gilberto et Beatrici uxori suae dimisit tenend ad terminum vitae utriusque ipsorum Gilberti et Beatricis Et dicunt quod praedicta Beatrix praedictum Gilbertum supervixit et post mortem praedicti Gilberti per aliquantum temporis seisinam suam continuavit et postea tenementa praedicta praedicto Johanni quondam abbati etc reddidit Et quia convictum est per juratam istam quod praedictus Gilbertus proavus praedicti Johannis praedictum Henricum quondam abbatem etc de praedictis tenementis feoffavit et quod idem Gilbertus die quo obiit nihil habuit in eisdem nisi liberum tenementum tantum ideo consideratum est quod praedictus abbas est inde sine die et praedictus Johannes nihil capiat per juratam istam sed sit in misericordia pro falso clamio etc Haec sunt nomina juratorum dominus Robertus de Meysi miles dominus Willelmus de la Mare miles Henricus de Leye dominus de Sapertone Willelmus de Pembroke Henricus de Rues Rogerus de Quedesleye Robertus de Sudle Willelmus Basseth Ernys de Brocworthe Willelmus de la Forde Johannes de la Hyde de Winestone Petrus Damoisele

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.