In nomine Patris et Filii et Spiritus Sancti Amen Omnibus Christi fidelibus ad quos praesens scriptura pervenerit frater Philippus de Kayrwent prior monasterii Sancti Petri Gloucestriae et ejusdem loci capitulum seu conventus salutem in Auctore salutis Ecclesia nostra Gloucestriae per mortem bonae memoriae Reginaldi de Hamme nuper abbatis nostri pastoris solatio destituta ac ipsius corpore tradito sepulturae convenientes in capitulo nostro omnes qui debuerunt secundum juris exigentiam et ecclesiae seu monasterii nostri consuetudinem voluerunt et potuerunt commode interesse tractavimus de die electionis faciendae de futuro abbate statuentesque diem ad eligendum diem videlicet Dominicam proximam post festum Sancti Michaelis anno Domini millesimo ducentesimo octogesimo quarto omnium assensu monachorum praesentium concurrente quo die adveniente praesentibus omnibus in nostro capitulo qui debuerunt secundum juris exigentiam et consuetudinem antedictam voluerunt et potuerunt commode interesse invocata Sancti Spiritus gratia lectaque constitutione generalis concilii quapropter placuit omnibus et singulis per viam procedere compromissi Et ita electi fuerunt quinque de capitulo nostro fidedigni videlicet Thomas de Lokinthone sacrista Johannes de Worme dictus prior de Bromfelde Henricus de Wiggemore dictus prior de Ewenny Willelmus de Schrivenham dictus prior de Kilpek Thomas de Tyringham dictus prior de Stanleya fratres et monachi monasterii nostri quibus unanimiter potestatem contulimus ut omnes vel major pars eorum per electionem dummodo de gremio monasterii antedicti providerent viduatae ecclesiae de abbate fideliter promittentes quod illum reciperemus in abbatem quem omnes vel major pars eorum ex se vel ex aliis de ipsius ecclesiae gremio eligerent Praedicti vero compromissarii habito super hoc diligenti tractatu consensu unanimi vice nostra et sua elegerunt concorditer fratrem Johannem de Gamages nostrum conmonachum priorem Herefordiae in abbatem monasterii Beati Petri Gloucestriae virum scilicet religiosum litteratum honestum in spiritualibus et temporalibus circumapectum valentem et scientem ecclesiae nostrae jura tueri Cui electioni nos Philippus prior et capitulum sive conventus praedicti consensum praestitimus et assensum Quam electionem frater Thomas de Tyringham dictus prior de Stanleya unus ex compromissariis antedictis de mandato sociorum suorum fecit in scriptis vice omnium per haec verba In nomine Patris et Filii et Spiritus Sancti Amen Cum nos Thomas de Lokintone sacrista Johannes de Worme dictus prior de Bromfelde Henricus de Wiggemor dictus prior de Ewenni Willelmus de Schrivenham dictus prior de Kilpek et Thomas de Tyringham dictus prior de Stanleya fratres et monachi monasterii Beati Petri Gloucestriae a priore et capitulo sive conventu ejusdem loci speciale mandatum habeamus per electionem de gremio monasterii antedicti providendi viduatae ecclesiae de abbate ego frater Thomas de Tyringham dictus prior de Stanleya unus ex compromissariis antedictis vice dictorum priorum et conventus Gloucestriae et nostra fratrem Johannem de Gamages priorem Herefordiae commonachum nostrum nostri monasterii in pastorem eligo et abbatem Quo facto idem electus cum instantia requisitus assensum praestitit electioni praedictae In quorum testimonium praesens decretum electionis nostrae impressione sigilli nostri communis fecimus roborari Actum in capitulo monasterii Beati Petri Gloucestriae die Dominica proxima post festum Sancti Michaelis anno gratiae millesimo ducentesimo octogesimo quarto In nomine Patris et Filii et Spiritus Sancti Amen Omnibus Christi fidelibus ad quos praesens scriptura pervenerit Philippus de Kayrwent prior monasterii Beati Petri Gloucestriae et ejusdem loci capitulum seu conventus salutem in Auctore salutis Ecclesia nostra Gloucestriae per mortem bonae memoriae Reginaldi de Hamme nuper abbatis nostri pastoris solatio destituta ac corpore ipsius tradito sepulturae convenientes in capitulo nostro omnes qui tunc temporis praesentes fuimus tractavimus de die electionis futuri abbatis faciendae statuentesque diem ad eligendum diem videlicet Dominicam proximam post festum Sancti Michaelis omnium assensu monachorum tunc praesentium concurrente fratres et commonachos nostros absentes qui ad eamdem electionem vocari debuerunt juxta juris formam et ecclesiae seu monasterii nostri consuetudinem ad eundem diem per litteras et nuncium fecimus evocari quo die adveniente praesentibus omnibus in capitulo nostro qui debuerunt secundum consuetudinem antedictam voluerunt et potuerunt commode interesse invocata Spiritus Sancti gratia lectaque constitutione generalis concilii quapropter placuit omnibus et singulis per viam procedere compromissi Et ita electi fuerunt quinque de capitulo fidedigni scilicet Thomas de Lokintone sacrista Johannes de Worme dictus prior de Bromfelde Henricus de Wiggemore dictus prior de Ewenny Willelmus de Schrivenham dictus prior de Kilpeke et Thomas de Tyringham dictus prior de Stanleya fratres et monachi monasterii nostri quibus unanimiter potestatem contulimus ut omnes vel major pars eorum per electionem dummodo de gremio monasterii antedicti providerent viduatae ecclesiae de abbate promittentes quod illum reciperemus in abbatem quem omnes vel major pars praedictorum ex se vel ex aliis de ipsius ecclesiae gremio eligerent Praedicti vero compromissarii habito super hoc diligenti tractatu unanimi consensu vice nostra et sua elegerunt concorditer fratrem Johannem de Gamages priorem Herefordiae in abbatem monasterii Beati Petri Gloucestriae virum scilicet religiosum litteratum honestum in spiritualibus et temporalibus circumspectum valentem et scientem ecclesiae nostrae jura tueri Cui electioni tam nos Philippus prior et capitulum seu conventus quam idem electus consensum praestitimus et assensum Quam electionem frater Thomas de Tyringham dictus prior de Stanleya unus ex compromissariis antedictis de mandato sociorum suorum fecit in scriptis vice omnium per haec verba In nomine Patris et Filii et Spiritus Sancti Amen Cum nos Thomas de Lokintone sacrista Johannes de Worme dictus prior de Bromfelde Henricus de Wiggemore dictus prior de Ewenny Willelmus de Schrivenham dictus prior de Kilpek et Thomas de Tyringham dictus prior de Stanleya fratres monachi Beati Petri Gloucestriae a priore et capitulo sive conventu ejusdem loci speciale mandatum habeamus per electionem de gremio monasterii antedicti providendi viduatae ecclesiae de abbate ego frater Thomas dictus prior de Stanleya unus ex compromissariis antedictis vice dictorum prioris et conventus et nostra fratrem Johannem de Gamages priorem Herefordiae commonachum nostrum nostri monasterii eligo in pastorem et abbatem In quorum testimonium praesens decretum electionis nostrae subscriptionibus priorum et monachorum et impressione sigilli nostri communis fecimus roborari Actum in capitulo monasterii Beati Petri Gloucestriae die Dominica proxima post festum Sancti Michaelis anno gratiae millesimo ducentesimo octogesimo quarto [e]go Philippus prior huic electioni consentio et ascribo [e]go Thomas prior de Stanleya huic electioni interfui vidi consensi et subscripsi [e]go Henricus prior de Ewenny huic electioni interfui consensi et subscripsit pro me Thomas de Stanleya prior [e]go Hugo subprior huic electioni consentio et subscribo Item nos j[ohannes] prior de Bromfelde H praecentor Thomas tertius prior Willelmus prior de Kilpeke Thomas de Lokintone sacrista r[icardus] prior de Ewias H prior de Oxonia Walterus de Thaneworthe Willelmus de Londonia R de Kayrwent Thomas de Estintone R de Codeleye Willelmus de Sancto Johanne H de Bromfelde Gilbertus de la Berewe Johannes de Wychio N de Monemuta Johannes de Helion Johannes de Dormintone N de Thaneworthe Thomas de Leche N de Lanthoral H de Bernwode Walterus de Dodeforde Johannes de Actone G de Driffelde Johannes de Monemuta R de Temedeburia Thomas Carbonel Manselmus Willelmus de Monemuta Johannes de Sarum Johannes de Dukestone Johannes de Felda Johannes de Hyda Stephanus de Bruneshope Hugo de Matheme Johannes Toky Johannes Thoney Willelmus de Wormbrugge Willelmus de Fontaynes Johannes de Evesham Walterus de Avenechurche Philippus Wyther Johannes Revel huic electioni interfuimus consensimus nostro nomine subscribi

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.