Abbas Gloucestriae venit coram justiciariis hic et per bilettum suum clamat habere liberam warennam in maneriis suis de Maismore Hardepirie Upledene Hineham Chircham et Prestone et liberam warennam in bosco sue de Tuffeleye quod est ultra Sabrinam et mercatum et feriam in manerio sue de Northleche et visum franci plegii in Hinetone et gratis vult respondere sine brevi Et quoad warennam dicit Quod illam clamat habere per cartam regis Henrici primi quam profert et quae testatur quod idem rex concessit monachis de Gloucestria ut habeant warennas in tota terra eorum ultra Severnam in bosco et plane etc Teste Willelmo de Rochella apud Saresburiam Et quia ostendit cartam praedictam et testatum est quod ea utitur sicut decet ideo quoad warennam inde sine die salvo jure regis etc Et quoad feriam et mercatum dicit quod ea clamat habere per cartam regis Henrici patris domini regis nunc quam profert et quae testatur quod idem rex concessit abbati Sancti Petri Gloucestriae et monachis ibidem Deo servientibus quod habeant singulis annis unam feriam apud manerium suum de Northleche per tres dies duraturam scilicet in vigilia in die et in crastino Apostolorum Petri et Pauli et quod habeant ibidem singulis septimanis unum mercatum per diem Mercurii ita tamen quod praedicta feria et praedictum mercatum non sint ad nocumentum etc Data per manum venerabilis patris Radulphi Cicestrensis episcopi cancellarii regis apud Westmonasterium vicesimo secundo die Martii anno regni sui undecimo Et quia testatum est quod est in seisina de praedictis feria et mercato ideo eat inde sine die ad praesens salvo jure regis cum alias etc Et quoad visum franci plegii dicit quod quatuor et praepositus de Hynetone veniunt ad turnum vicecomitis ad praesentandum cum aliis villis vicinis praesentationes de hiis quae emergunt extra villam suam de Hynetone sed omnia ea quae emergunt infra villam suam de Hinetone sunt praesentata in visa praedicti abbatis apud Hinetone Et quaesitus si habeat furcas et alia judicialia dicit quod furcas et tumberellos habet Et dicit quod ipse et omnes praedecessores sui a tempore quo non extat memoria extiterunt in seisina de praedicto visu et tali warento clamat habere praedictum visum etc Et Willelmus Inge qui sequitur pro rege dicit quod ex quo praedictus abbas cognoscit quod quatuor et praepositus veniunt ad turnum vicecomitis satis concedit seisinam domini regis et ideo praeceptum est vicecomiti quod manuteneat dominum regem in seisina sua de pradictis adventibus et permittat praedictum abbatem gaudere seisina sua de libertate sua sicut hactenus usus fuit etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.