Omnibus Sanctae Matris ecclesiae filiis hanc cartam nostram inspecturis vel audituris Gerardus Dei gratia Herefordensis episcopus salutem in Eo qui est Vera Salus animarum Universitati vestrae notum facimus per praesentes quod nos anno gratiae millesimo centesimo idus Julii una cum venerabilibus fratribus nostris dominis Sampsone Wygorniensi Gundulfo Roffensi et Herveo Bangornensi coepiscopis dedicationi et consecrationi ecclesiae Beatorum Apostolorum Petri et Pauli quam reverendus abbas Serlo in villa Gloucestriae construxerat nostram praesentiam simul et ministerium cum omni qua potuimus exhibuisse devotione Et quia loci praefati conventus quamplures defectus ut in ornamentis ecclesiae et aliis sibi necessariis patiebatur nos divinae caritatis intuitu praedicti conventus necessitatibus compatientes de consensu totius capituli nostri Herefordensis concessimus praedictis abbati et conventui Gloucestriae et successoribus eorum has subscriptas ecclesias perpetuis temporibus habend et in proprios usus convertendas ad suam et ecclesiae suae perpetuam sustentationem videlicet ecclesiam de Chirchehamme cum capella de Bulleya et decimis et aliis pertinentiis suis ecclesiam de Prestone cum omnibus pertinentiis suis salva honestis capellanis qui in dictis ecclesiis ministrabunt rationabili sustentatione Concessimus etiam eisdem religiosis duas marcas annuae pensionis de ecclesia Sancti Laurentii de Teyntone et etiam perceptione decimarum omnium terrarum suarum quas propriis laboribus vel sumptibus suis excoluerint in dyoecesi nostra videlicet maneriorum suorum de Hynehamme de Chirchehamme de Prestone de Bromptone de Hyda salvis rectori ecclesiae de Harehulle annuatim duobus solidis et una summa frumenti de Rodlee salva rectori ecclesiae de Westburia tertia garba decimae proventus do dominicis terris de Rodleye de Ledene et etiam duas garbas totius decimae hominum suorum de Ledene Concessimus etiam eisdem omnes decimas de omnibus dominicis terris domini de Ewyas sitis in parochia de Sancta Keyna et decimam cujusdam culturae in Postone Praeterea omnes ecclesias decimas terras et possessiones quas hactenus in nostra dyoecesi sunt adepti eis auctoritate episcopali et unanimi capituli nostri consensu confirmamus perpetuis temporibus possidendas Et ut ea quae praemissa sunt futuris temporibus inconcussa permaneant praesentem cartam tam sigillo nostro quam sigilli capituli nostri Herefordensis duximus roborandam Teste tota synodo nostra [...]

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.