Uniuersis sancte matris ecclesie filiis Rogerus dei gratia Wigorn[] episcopus salutem Quoniam que circa statum ecclesiarum rationabiliter fiunt in dubium uenire non conuenit uniuersitati uestre notum facimus Osbertum filium Hugonis presentasse Radulfo priori Wig[] Adam filium Edwini clericum nostrum et Radulfum priorem Wigorn[] assensu conuentus ipsum Adam nobis ad ecclesiam beati Augustini de Duderhulle presentasse Et nos ipsum Adam personam instituimus salua vicaria Ernaldi presbyteri qui ecclesiam prescriptam cum omnibus ad eam pertinentibus integre in uita sua tenebit sub annua pensione xiii denariorum quos predicto Ade nomine ecclesie prescripte singulis annis persoluet ad festum sancti Michaelis ut eam prefatus Adam nomine monachorum Wigorn[] libere et integre cum omnibus pertinentiis suis tam in capellis quam in terris et in obuentionibus omnibus salua compositione facta inter monachos Wigorn[] et moniales de Westwde teneat sub annua pensione dimidie marce priori Wigorn[] soluende ad festum sancti Michaelis Hanc autem institutionem auctoritate episcopali confirmamus et sigilli nostri impressione communimus Fuit autem hec institutio facta anno ab Incarnatione domini mclxxviii pridie non[] Nouemb[] apud Vigorn[] Hiis testibus Gilleberto capellano etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.