Sciant presentes et futuri quod ego Johannes de Cudelegh[] et Matildis uxor mea Peteremus uersus priorem Wigorn[] communem pasturam in terra quam Johannes le Poer contulit memorato priori et conuentui Wigorn[] ecclesie in puram et perpetuam elemosinam scilicet in terra illa que est iuxta brueram de Cudeleg[] a parte aquilonis ab itinere regio quod ducit apud Warewich[] usque ad terram dicti prioris apud Lippard[] ut pertinentem ad liberum tenementum nostrum quod habemus in Cudeleg[] et inde aramiassemus assisam noue dissaisine uersus eundem priorem in curia domini regis coram justic[] suis itinerantibus scilicet r[andulfo] abbate de Euesham Martino de Pateshull et sociis eorum Tandem in eadem curia coram eisdem justic[] recognouimus et concessimus predictam pasturam esse jus eiusdem prioris et ecclesie sancte Marie de Wigorn[] et remisimus et quietum clamauimus nobis et heredibus nostris totum ius et clamium quod habuimus uel habere potuimus in communa eiusdem pasture Ita quod nec nos nec heredes nostri aliquid poterimus de cetero clamare in pastura illa ratione commune pertinentis ad dictum tenementum nostrum quia in eadem pastura nullum ius habemus uersus ipsum priorem et conuentum Wigornie Et in huius rei testimonium hanc cartam sigillis nostris signatam eis fecimus in testimonium Hiis testibus domino r[andulfo] abbate de Euesham Martino de Pateshull[] etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.