Uniuersis[] sancte matris ecclesie filiis presentibus et futuris ad quos presens scriptum peruenerit frater Alanus prior fratrum Ospitalis Jerosolimitane in Anglia et totum eiusdem domus capitulum salutem in domino Ad uniuersitatis uestre uolumus peruenire noticiam quod nos et quicunque processu temporis domus prior extiterit in Anglia et fratres nostri qui nobis succedent tenemur reddere monachis ecclesie sancte Marie Wigornie singulis annis duos solidos ad Pascha per manum fratris qui rerum nostrarum in Herefordesir[] curam habuerit pro acquietatione uidelicet ducentarum scutellarum et uiginti ciphorum quos idem monachi de terra de Kalewe quam nos tenemus ex donatione domini Ricardi illustris regis Anglorum solebant quandoque percipere Ut igitur istud futuris ratum habeatur temporibus presentis pagine inscriptione et sigilli nostri capituli appositione roborare curauimus Hiis testibus fratre Matheo et Simone clerico ad capitulum de Queninton[] anno Incarnationis dominice mcxciii

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.