Hec est finalis concordia facta in curia domini regis apud Glouc[] proximo die veneris post Ascensionem domini anno regni regis j[ohannis] decimo coram ipso domino rege Willelmo archidiacono Simone de Pat[] Henrico de Puntaudem[] justic[] et aliis fidelibus domini regis tunc ibidem presentibus inter Rannulfum priorem Wigorn[] petentem et Hugonem de Cnicteton tenentem de dimidia hida terre cum pertinentiis in Cnicteton[] unde placitum fuit inter eos in eadem curia scilicet quod idem Hugo recognouit et concessit totam predictam terram cum pertinentiis esse ius dicti prioris et conuentus de Wig[] Et remisit et quietum clamauit de se et heredibus suis totam predictam terram cum pertinenciis predicto priori et conuentui de Wigorn[] et succesoribus eorum in perpetuum Et pro hac recognitione et concessione et quieta clamatione fine et concordia predictus prior concessit eidem Hugoni v marcas percipiendas sibi singulis annis de ipsis priore et successoribus suis tota uita ipsius Hugonis ad duos terminos scilicet medietatem ad festum sancti Michaelis et aliam medietatem ad Annunciacionem beate Marie Et post decessum ipsius Hugonis predictus prior et successores eius erunt quieti de predictis v marcis reddendis per annum

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.