Omnibus sancte matris ecclesie filiis presens scriptum inspecturis uel audituris Willelmus de Bleys[] diuina miseratione Wigorn[] episcopus salutem in domino Ad uniuersitatis uestre noticiam uolumus peruenire quod cum inter nos ex una parte et dominum w[illelmum] priorem et conuentum nostrum Wigorn[] ex altera super capella sancte Helene Wigorn[] et eiusdem pertinentiis esset dissentio nos ad reprimendum discordie fomitem et bonum pacis reformandum de communi assensu nostro et dictorum prioris et conuentus ordinationem memorate capelle cum eiusdem pertinentiis domino W de Tyntun[] rectori ecclesie de Kemes[] et magistro M de Grimeleye omni appellatione facta uel facienda remota commisimus Qui prehabita deliberatione et inuocata spiritus sancti gratia ita ordinauerunt videlicet quod omnes prouentus quocumque modo spectantes ad predictam capellam sancte Helene ex orientali parte Sabrine ad nos pertineant piis locis secundum considerationem nostram conferendi saluis vicariis in corpore capelle sancte Helene et in capella de Cleynes secundum quod nos in eisdem ordinauimus Omnes uero prouentus quocunque modo spectantes ad dictam capellam sancte Helene ex occidentali parte Sabrine dictis priori et conuentui in usus proprios ad hospitalitatem domus sue tantummodo conuertendi pertineant saluis vicariis capellanis de Wik[] de et Wicheneford[] secundum quod ordinauimus in eisdem de sacerdotibus ydoneis nobis et successoribus nostris a predictis priore et conuentu Wig[] successiue presentandis salua etiam iurisdictione tam in capella sancte Helene quam in capellis predictis secundum quod fieri consueuit Omnia uero instrumenta si qua predicti prior et conuentus habent confecta contra tenorem predicte ordinationis omnino cassabuntur In huius rei testimonium presenti scripto sigillum nostrum

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.