[o]mnibus sancte matris ecclesie filiis ad quos peruenerit hec scriptura Godefridus miseratione diuina minister ecclesie Wygorn[] salutem in auctore salutis Cum dudum ex summa necessitate et euidenti causa religiosis viris [...] priori et capitulo nostro Wygorn[] per generalis turbacionis regni dispendia et incommoda licium euiceratis solita facultate ecclesiam de Grymele cum capella de Hallawe et omnibus pertinenciis earundem in certos usus pietatis saluis nobis et successoribus nostris pontificali in omnibus dignitate ac institucione et destitutione vicariorum et ordinacione legitima vicarie duxerimus assignandam attendentes hospitalitatis onera que residentes comitantur et diuina obsequia que tam in ecclesia quam capella conuenit exhibere In dei nomine Amen Competentem in Hallawe mansum cum orto animalium lane lini lactis et ortorum et alias minores decimas uniuersas nec non mortuaria defunctorum oblaciones et prouentus altarium utrorumque preterea in Grimehull[] et Estbur[] decimam feni tantum Insuper et de bonis dictorum religiosorum viginti solidos annuos per manus sui bursarii in festo sancti Michaelis soluendos vicario qui pro tempore fuerit nomine vicarie taxate cum cura animarum et onere procuracionis sinodatici et cathedratici supportando ex deliberacionis consilio assignauimus Set ad ornamenta et edificia mediocriter reparanda et extraordinaria que prestanda occurrerint tam dictos religiosos quam vicarios pro suis porcionibus volumus obligari si tamen occurrerit reparacio sumptuosa dicti religiosi uberius contribuere teneantur manso quondam rectoris fundis prediis nec non maioribus decimis videlicet garbarum et feni ac iurisdictione et districtu qui ad rectorem pertinuerant ab antiquo et reliquis omnibus in porcione vicarii non expressis in usus dictorum religiosorum integre conuertendis In cuius rei testimonium sigillum nostrum appendi fecimus huic scripto Hiis testibus magistro Waltero de Vienna et Galfrido de Cuberley domino Galfrido de Rindweye tunc capellano nostro domino Ricardo rectore ecclesie de Thadinton[] magistro Petro de Buteuile Ada de Bibyr[] et Willelmo de Hamme clericis et multis aliis Datum apud Bredon[] iii idus Octobris anno gratie mcc septuagesimo consecrationis nostre anno tercio

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.