Guillelmus Paganellus omnibus hominibus suis Normannie et Anglie salutem Omnibus et futuris notum volo fieri me concessisse et dedisse in elemosinam puram monachis de Hambeia pro salute anime patris et matris mee et antecessorum et successorum meorum et mee in manerio meo de Drach et Carleton et Camforth centum solidos sterlingorum et in Bragueham sexaginta solidos et in Gargofh quadraginta solidos annuatim habend donec eis assignem predictas decem libras certo modo ad finem in terris vel in ecclesiis Preterea eis confirmo decimam frumenti et avene terre mee de Costentino quam pater meus dedit eis et nummorum meorum in foro de Brehal et in Hambeia decimam arietum et medietatem lane et in Brehal et in Hambeia respetuum meorum et in Haya decimam censuum et fori et ferie et in furno duo quarteria frumenti et decimam frumenti de Burceio preterea ecclesiam de Hambeia cum pertinentiis et terram que fuit Roberti capellani Dono etiam eis decimam omnium acquisitionum mearum quas michi Deus dedit in Normannia et in Anglia Preterea notum volo fieri quod ego predictis monachis predictas decem libras sterlinguarum dedi pro absolutione omnium promissionum quas eis fecerat pater meus de acquisitionibus suis in Anglia etc

Source Fulltext: Early Yorkshire Charters, the Paynel Fee. C. T. Clay. Yorkshire Archaeological Society, Extra Series V.3. Yorkshire Archaeological Society. Wakefield. 1939.