uiris uenerabilibus et amicis in Christo karissimis iusticiariis domini regis de banco S decanus et capitulum ecclesie sancti Petri Ebor[aci] salutem in uero salutari Nouerit pro certo discretio uestra quod communis ueritas est et publicum et notorium in partibus nostris quod tota ecclesia de Ledes spectat ad priorem et monachos sancte Trinitatis Ebor[aci] ita quod duas partes predicte ecclesie per assensum archiepiscoporum Ebor[acensium] et ecclesie Ebor[acensis] in proprios usus per multos annos tenuerunt et tenent et terciam partem clericis conferre consueuerunt in perpetuam uicariam et presentare archiepiscopis ecclesie nostre Magistro autem Paulino qui nuper decessit predictam terciam partem concesserunt in tempore pacis et eum bone memorie Rogero Ebor[acensi] archiepiscopo presentauerunt et ab eo fuit institutus et tota uita sua porcionem illam tenuit nullo reclamante Post mortem uero magistri Paulini eandem porcionem concesserunt Thome clerico qui a domino G archiepiscopo nostro admissus fuit et institutus ad eorum presentacionem sine aliqua contradictione Hec autem pro certo uobis testificamur ne ad falsam alicuius suggestionem uestra quod absit circumueniatur discretio ualete

Source Fulltext: Early Yorkshire Charters, the Paynel Fee. C. T. Clay. Yorkshire Archaeological Society, Extra Series V.3. Yorkshire Archaeological Society. Wakefield. 1939.