Aeliz de Rumilly omnibus sancte ecclesie filiis salutem Nouerit uniuersitas uestra me concessisse et presenti carta confirmasse pro me et heredibus meis Deo et ecclesie sancte Marie de Boelton et canonicis ibidem Deo seruientibus omnes illas terras et possessiones quas Willelmus Meschin et Cecilia de Rumely dederunt et concesserunt dicte ecclesie beate Marie et sancti Cutberti de Embesai et canonicis eiusdem ecclesie tunc apud Embesiam nunc apud Boelton commorantibus de dicto loco de Embesai usque Boelton de uoluntate assensu et ordinacione mea translatis scilicet uillam de Embesai cum omnibus pertinentiis suis in bosco et plano aquis moris pascuis et pasturis uidelicet a diuisis uillarum de Skipton et Skibedon usque ad diuisas uille de Rilleston et Berdene in longitudine et a dominica haya mea de Crokeris usque in le Routandebeke in latitudine sine ullo retenemento uillam de Childewic cum molendino et socha molendini et haya cum omnibus aliis pertinentiis suis in bosco et plano aquis moris pascuis et pasturis uidelicet a diuisis de Farnhill[] usque ad diuisas de Silesden scilicet usque ad Aspesike et sic sequendo Aspesike usque in aquam de Ayr sine omni retenemento Concedo etiam eisdem canonicis et confirmo locum qui Stede dicitur et totam terram inter Poseford et Spectebek et aquam de Werf et Walkesburn preterea do et concedo et hac presenti carta confirmo prefate ecclesie de Boelton locum ipsum et totam uillam de Boelton ad fundand[am] ibidem ecclesiam canonicorum regularium cum omnibus pertinentiis suis et suis rectis diuisis sicut patet in carta mea quam inde habent et in Skipton quatuor mansuras terre et in Malhgum duodecim bouatas terre quas Helt Malleferer eis dedit preterea concedo prefate ecclesie et canonicis de Boelton liberam chaceam in omnibus terris et boscis suis in feodo meo ad omnimodas feras schaciandas et capiendas et omnem decimam feram captam in schacia mea in dominicis boscis meis et schaciis in Crauen Quare uolo ut prenominata ecclesia sancte Marie de Boelton[] et canonici eiusdem ecclesie habeant et teneant omnes supradictas terras et possessiones et libertates bene et in pace iuste et honorifice libere et quiete in liberam puram et perpetuam elemosinam sine ullo retenemento imperpetuum ita libere sicut aliqua elemosina liberius concedi potest uel confirmari Hiis testibus Adam filio Swani Henrico filio Swani Osberto archidiacono Willelmo Flamang [] Artur[] Helt Malleuerer

Source Fulltext: Early Yorkshire Charters, the Honour of Skipton. C. T. Clay. Yorkshire Archaeological Society, Extra Series V.5. Yorkshire Archaeological Society. Wakefield. 1947.