Omnibus sancte ecclesie filiis presentibus et futuris Turstanus de Arches salutem Sciatis me dedisse et hac mea carta confirmasse in perpetuam elemosinam Deo et ecclesie sancte Marie de Fontibus et monachis ibidem Deo seruientibus totam meam partem de terra quam perquisiui de Guillelmo filio Helte inter Kiln[eseia] et Erneclyf solutam quietam et liberam ab omni seruicio et consuetudine et ab omni re et exactione ad terram pertinente ita quod predicti monachi facient de ipsa terra quicquid uoluerint sicut de sua libera et propria et perpetua possessione sine omni retenemento mei uel heredum meorum Et ego et heredes mei eandem terram eis guarentabimus in perpetuum sicut liberam et perpetuam elemosinam nostram Hanc donacionem feci eis apud Ebor[acum] coram Rogero Ebor[acensi] archiepiscopo et coram iustic[iariis] regis errantibus scilicet Rannulfo de Glanuill[] Hugone de Creisi et Guillelmo filio Radulfi Et tunc in testimonium et rememoracionem dederunt monachi michi Turstino iiii marcas argenti

Source Fulltext: Early Yorkshire Charters, the Honour of Skipton. C. T. Clay. Yorkshire Archaeological Society, Extra Series V.5. Yorkshire Archaeological Society. Wakefield. 1947.