Anno ab incarnacione Domini 1235 incepit hec conuencio ad festum sancti Martini inter Radulfum de Horbiry et Thomam filium Gregori[i] de Houerum scilicet quod predictus Radulfus dimisit et concessit predicto Thome usque ad terminum sexdecim annorum pro decem solidis illi datis pre manibus unum assartum infra diuisas de Saltonstall cum edificiis desuper plantatis et cum omnibus pertinenciis scilicet quod dicitur Trageheastrod et totam terram sine retinemento quam Petrus Rauene tenuit in Saltonstall excepto orreo domini illi et heredibus suis tenend et habend de predicto Radulfo et suis heredibus libere et quiete et pacifice cum omnibus libertatibus communiis et aisiamentis infra uillam de Saltonstall et extra tante terre pertinentibus excepta assartacione et donacione et uendicione nemoris soluendo annuatim predicto Radulfo uel suis heredibus duos solidos et ii or denarios scilicet medietatem ad festum sancti Oswaldi et medietatem ad festum sancti Martini pro omnibus seruiciis et demandis Et predictus Radulfus et heredes sui predicto Thome et suis heredibus predictam terram cum pertinenciis ubique et contra omnes homines usque ad prescriptum terminum scilicet xvi annorum warantizabunt Hiis testibus Iohanne de Tornil Iordano Taleuaze Michaele Taleuaze Henrico de Hiperun Ada obtricario Yuone clerico de Miggelay Henrico filio Gregori[i] de Houerun et multis aliis

Source Fulltext: Early Yorkshire Charters, the Honour of Warenne. C. T. Clay. Yorkshire Archaeological Society, Extra Series V.6. Yorkshire Archaeological Society. Wakefield. 1949.