Hec est finalis concordia que facta fuit apud Danecastr[iam] in Natiuitate beate Marie uirginis anno xx iiii 5 regni Henrici regis secundi coram Hugone Murdac et Iohanne Cumin[] et Iohanne filio Luce et Randulfo de Glanuill[] et Bertram de uerd[un] et Willelmo filio Aldel[ini] et Michele Belet et Willelmo de Bending[es] et Roberto Poher[] et allis iusticiis domini regis qui tunc ibi aderant inter monachos de Rieualle et Adam de Boltebia de pastura de Boltebia et de Rauenestorp[] et de Trillebia unde placitum erat inter eos scilicet quod predictus Adam concessit prenominatis monachis totam terram quam pater suus eis dedit in Boltebia per easdem diuisas que continentur in carta patris sui cui dependet sigillum Roberti de Stuteuill[] domini predicti Ade Concessit etiam prefatus Adam prenominatis monachis pasturam sufficientem cccc ouibus in pastura de Boltebia et de Rauenestorp[] et de Trillebia ubique pascendis ubi dominica aueria ipsius Ade et hominum suorum pascunt et ad pasturam illam adeundam liberum habebunt introitum et exitum ita quod predicti monachi non ponent in prenominata pastura plures quam cccc oues Idem etiam monachi habebunt in eadem pastura quatuor carrucatas boum unamquamque de viii bobus et xxxii uaccas cum secta et exitu earum et duos tauros et vi equos et vi sues cum exitibus earum ita quod tota secta et exitus predictarum uaccarum et porcorum remoueantur a pastura illa in fine cuiusque anni Habebunt etiam alia aisiamenta per totum boscum predicti Ade de mairemio et busco cum mensura sicut ipse Adam ad opus suum proprium et sicut continetur in carta patris sui cui dependet sigillum Roberti de Stuteuill[] domini ipsius Ade

Source Fulltext: Early Yorkshire Charters, the Stuteville Fee. C. T. Clay. Yorkshire Archaeological Society, Extra Series V.7. Yorkshire Archaeological Society. Wakefield. 1952.