Anno Incarnacionis Domini m cc xxx iiii ad festum Omnium Sanctorum omnibus hoc scriptum uisuris uel audituris Matildis de Galmeton[] salutem Noueritis me in uiduitate mea et libera potestate mea dedisse et concessisse et hac presenti carta mea confir[masse] Matildi filie Ricardi de Boszale et Mabille uxoris sue que Mabilla fuit filia Roberti de Stuteuille duo tofta in Staxton[] scilicet Charnek[] et propinquior uersus occidentem cum omnibus pertinenciis suis infra uillam et extra Dedi eciam dicte Matildi totam terram que mea est et dare possum inter Fordon[] et Staxton[] que uocatur Depedale sine ullo retinemento cum omnibus pertinenciis suis et cum omnibus libertatibus et liberis consuetudinibus ad predictam terram pertinentibus salua tanta pastura conuentui de Brid[lingtona] quanta carte Ricardi de Galmeton[] et Henrici filii sui continent pro homagio et seruicio suo tenend et habend tam predicta tofta quam predictam terram sibi et heredibus suis de me et heredibus meis libere quiete honorifice et plenarie in omnibus locis cum omnibus libertatibus prenominatis reddendo inde annuatim illa et heredes sui mihi et heredibus meis unam libram cymini scilicet ad festum sancti Nicholai pro omni seruicio et exaccione et demanda seculari Et ego dicta Matildis et heredes mei warantizabimus tam dicta tofta quam dictam terram dicte Matildi filie dicti Ricardi ut dictum est superius contra omnes homines et defendemus Et ego Ricardus de Bozhale heres prim[] dicte Matildis hanc donacionem animo beniuolenti bene concessi et sigillo meo confirmaui Hiis t[estibus] Roberto de Acclum Henrico filio Radulfi Ricardo le Bret Henrico de Biningt[on] Henrico de Brumpton[] Ricardo de Bozhale Dauid Reginaldo de Langetoft et aliis

Source Fulltext: Early Yorkshire Charters, the Stuteville Fee. C. T. Clay. Yorkshire Archaeological Society, Extra Series V.7. Yorkshire Archaeological Society. Wakefield. 1952.