Omnibus has litteras uisuris uel audituris Durandus clericus de Stiuelingflet salutem Sciatis me concessisse dedisse et hac presenti carta mea confirmasse Willelmo Tuschet et heredibus suis iii bouatas terre cum omnibus pertinenciis suis in Stiuelingflet scilicet illas iii bouatas terre quas tenui de Roberto de Bulers et Hillaria uxore sua cum tofto et edificiis in quo manere solebam et cum tofto quod Ricardus de me tenuit et tofto quod Robertus filius Houche tenuit et tofto quod Robertus filius Liolfi tenuit et tofto quod Robertus de Aula tenuit et preterea essartum meum uersus Acastr[] et ii acras terre de ouenaim uersus Richale et vii acras terre iuxta domum meam uersus merediem pro homagio suo et seruicio tenend in feodo et hereditate libere quiete et solute ab omni seruicio et exaccione reddendo inde annuatim domino meo Roberto de Bulers et Ilarie uxori eius et eorum heredibus decem solidos per annum pro omni seruicio scilicet xl denarios ad Pascha Floridum et xl denarios ad uincula Sancti Petri et xl denarios ad festum Sancti Martini Et ego et heredes mei debemus warantizare tenementum predictum Willelmo prefato et heredibus suis contra omnes homines Hiis testibus Willelmo de Percy tunc uicecomite Ebor[acensi] R priore Sancte Trinitatis etc

Source Fulltext: Early Yorkshire Charters, the Trussebut Fee. C. T. Clay. Yorkshire Archaeological Society, Extra Series V.8. Yorkshire Archaeological Society. Wakefield. 1955.