Uniuersis W filius Astini miles de Wartria salutem Nouerit uniuersitas uestra me dedisse et concessisse et presentis carte mee testimonio confirmasse Deo et ecclesie sancti Iacobi de Wartria et canonicis ibidem Deo seruientibus totam culturam de Trehauleghe que continet xxxvi acras et dimidiam scilicet xxvii illarum pro supplemento elemosine patris mei quod eis defuit apud Presthow nouem et dimidiam in excambium pro cultura quam pater meus dedit eis apud Westrys quam monialibus de Brunum dedi et concessi et totam culturam meam de Breddale et tres acras in Brokolmdale et mansuram ubi pater meus manebat quam de ipsis tenebat et ii acras in Umfraithorp et totam culturam que uocatur Sutherghes que iacet inter diuisam de Midelton[] et aliam diuisam que dicitur Wandayles et totam illam pasturam ultra Kaicsic que iacet inter culturam predictorum canonicorum et culturam monialium de Brunum et vii acras terre iuxta fontem qui dicitur Fulsic apud Westris et totam magnam culturam meam apud Westris que iacet inter Fulsic et Kaicsic tam in terra que arari non potest quam in terra que arabilis est tam subtus uiam que uia uadit apud Brunum de Wartria quam supra uiam et unam mansuram iuxta uirgultum canonicorum ab aquilone ubi manebat Ally Dedi et confirmaui terram quam tenuit de me Yuo Bagot et iacobus filius eius post eum uidelicet v acras iuxta uiam de Dalton[] apud Unfraithorp ii acras et seruicium eiusdem Iacobi de eadem terra Dedi et concessi et confirmaui duas bouatas terre quas habent de concessione et dimissione patris mei Astini quas pro se et pro fratre suo Iacobo et pro filio suo primogenito Radulfo eisdem canonicis concessit et dimisit et unam partem tofti mei ad amplificandum oreum suum et situm muri sui uersus occidentem pro tofto quodam quod accepi ab eis in excambium quod iacet inter terram monachorum de Melsa et toftum Annays Remisi etiam calumpniam quam habui aduersus eosdem de tofto ubi manebat Henricus faber Preterea libens et uolens confirmaui omnes terras et donaciones et confirmaciones Henrici filii Pauay quas eis dedit et fecit scilicet duas bouatas terre de dominio eiusdem Henrici totam mansuram matris mee et suam mansuram que fuit[] Segge et duas alias mansuras cum ipsis hominibus Henrico scilicet et Bondo fabro cum filiis suis Edricum album et Humfridum Papilun et Yuonem filium Ailwy et totam culturam suam de Westbec et terram de Quassedale et de Breddale et duas bouatas terre de feodo eiusdem Henrici quas pater meus Asketinus eisdem canonicis concessit et dimisit Confirmaui etiam omnes terras et donaciones patris mei Asketini uidelicet totam culturam iuxta Presthow et xii acras iuxta Westrys et iiii acras in latere montis Adun Confirmaui etiam insuper donacionem Euerardi Bagot filii Radulfi Bagot scilicet duas culturas apud Westrys xxii acras continentes et dedi totum sicum quantum iacet inter easdem culturas et si quid amplius ibi in eisdem culturis inueniatur totum eis dedi et concessi Confirmaui insuper bouatam terre quam Ricardus frater meus assensu et consilio meo eisdem canonicis pro vi marcis argenti uendidit et dimisit Et omnes terras tam non nominatas quam nominatas quibus per me uel per predecessores meos illi uel alii per eos saysiati fuerunt in illa die qua hec carta facta fuit omnes concessi et dimisi et sine omni calumpnia imperpetuum confirmaui preter hec remisi predictis canonicis quicquid calumpniarum uel controuersiarum aduersus eos de terris de pecunia de hominibus scilicet tam de Thoma et Radulfo fratre eius quam de omnibus aliis quoquo modo habui uel habuisse potui usque ad illum diem quo hec carta facta fuit Et quia predictas terras et donaciones et confirmaciones dedi et dimisi et confirmaui diuersis temporibus et diuersis sigillis assignaui omnia pro utilitate et securitate et quiete et pace predictorum canonicorum in unum redigere et uno sigillo assignare curaui Omnes itaque has donaciones et dimissiones et confirmaciones liberas et quietas et pacificas ab omni seruicio et seculari exactione excepto domini regis seruicio quod ipsi facere debent eis dimisi et concessi et confirmaui pro salute anime mee et patris mei et matris mee et omnium predecessorum et heredum meorum et pro pecunia sua quam mihi dederunt scilicet x marcas argenti et tres equos et unam uaccam et quadraginta arietes Ut autem omnia ista seruentur illibata ne per me uel per aliquem heredum meorum predicti canonici quoquo modo molestari possint iure iurando fide mediante pro eorundem omnimoda securitate premissa omnia confirmaui Omnia itaque que in presenti carta continentur ego et hered esmei contra omnes homines warantiz[abimus] Hec carta facta fuit et sigilli mei munimine roborata et predictis canonicis tradita anno Domini m c xc ix anno i regni regis iohannis

Source Fulltext: Early Yorkshire Charters, the Trussebut Fee. C. T. Clay. Yorkshire Archaeological Society, Extra Series V.8. Yorkshire Archaeological Society. Wakefield. 1955.