Hec est conuencio facta inter Iohannem de Melsa filium Roberti et priorem et canonicos de Wartria anno incarnacionis dominice m cc viii ad Pascha scilicet quod idem Iohannes concessit et dimisit prefatis priori et canonicis in sex annos ad firmam totam illam medietatem prati sui in Seton[] cum marisco adiacente que predictum Iohannem contingit secundum diuisas inter ipsum et predictos canonicos qui aliam medietatem in perpetuam elemosinam tenent factas et totam partem suam illius pasture que ad dominium suum quod iidem canonici possident pertinere solebat cum omnibus libertatibus et consuetudinibus quas ipse Iohannes inde habere consueuit cum dunis et uepribus et omnibus aliis aysiamentis circa loca illa adiacentibus Ista uero prenominata tenebunt prefati canonici sex annis de predicto Iohanne et heredibus suis libere pacifice et quiete ab omni seruicio et seculari exactione ita quod nemini de forinseco uel de alio seruicio respondebunt quia totam firmam primo anno huius conuencionis illi reddiderunt Et sciendum est quod non licebit ipsi Iohanni uel heredibus suis uel alicui per eos infra prefatum terminum manum mittere in predictam medietatem prati uel marisci ad aliquid accipiendum uel subtrahendum nisi per licenciam ipsorum canonicorum Licebit etiam ipsis canonicis uepres et frutices radicitus euellere ad prati planiciem augendam Peractis uero sex annis scilicet cum ipsi canonici inde perceperint plenarie sex uesturas remanebit predicto Iohanni et heredibus suis predicta medietas prati sui cum marisco et pastura sine aliquo impedimento quieta et canonici similiter erunt ab omni debito quieti Sepedictus uero Iohannes et heredes sui warantizabunt prefatis canonicis prenominatam medietatem prati cum marisco et pastura et aliis pertinenciis fideliter usque ad finem prefixi termini Hanc autem conuencionem legitime tenend fidei prestacione et sigillorum apposicione ex utraque parte confirmauerunt Hiis testibus etc

Source Fulltext: Early Yorkshire Charters, the Trussebut Fee. C. T. Clay. Yorkshire Archaeological Society, Extra Series V.8. Yorkshire Archaeological Society. Wakefield. 1955.