Sciant omnes presentes et futuri ad quos presens scriptum peruenerit quod controuersia que uertebatur inter canonicos de Brid[elingtona] et canonicos de Thorneholm super una bouata terre in Suth Feriby que appellatur bouata ecclesie et quibusdam decimis tali condicione sopita est amicabiliter scilicet quod omnes decimas et obuenciones ecclesiasticas de feodo de Gaunt in eadem uilla integre percipient canonici de Brid[elingtona] in perpetuum et totum toftum que iacet a meridiana parte ecclesie habebunt perpetuo canonici Bridel[ingtone] et preterea percipient omnes decimas et obuenciones tofti illius quod Ricardus Duppler tenuit tempore quo hec concordia facta est canonici autem de Thorneholme integre percipient imperpetuum omnes decimas et obuenciones de feodo Roberti de Hasela et omnes decimas et obuenciones in eadem uilla de tofto illo quod Robertus filius Rogeri tenuit tempore huius composicionis et preterea canonici de Thorneholm habebunt perpetuo totam bouatam ecclesie reddendo annuatim pro medietate illius bouate canonicis Brid[elingtone] duos solidos medietatem ad Pentecosten et medietatem ad festum sancti Martini nec unquam hii uel illi aliquam sibi mutuo mouebunt questionem de ulla re que ad predictam spectat ecclesiam Et ut hec finalis concordia inter utramque domum firma sit imperpetuum mutuo sigillorum utriusque capituli apposicione roborata est anno Incarnacionis dominice m cc secundo Hiis testibus Waltero de Neuilla magistro Gerardo de Hoyland[] Ricardo capellano et Germano dyacono de Brid[elingtona] magistro Willelmo Scotel Willelmo de Lekeburn[] Luca Siluer Waltero Scrop Roberto de Halton[] et aliis

Source Fulltext: Early Yorkshire Charters, the Tison Fee. C. T. Clay. Yorkshire Archaeological Society, Extra Series V.10. Yorkshire Archaeological Society. Wakefield. 1965.