Hec est finalis concordia facta in curia domini regis apud Westm[onasterium] a die sancti Michelis in xv dies anno regni regi iohannis xiii coram ipso domino rege Simone de Pateshull[] Iacobo de Poterna Henrico de Ponte Aldemer[] Roberto de Aumar[] Rogero Huscarl[] iusticiis et aliis fidelibus domini regis tunc ibi presentibus inter Walterum abbatem Rufford[] querentem et Henricum Hose deforciantem de sexaginta acris terre cum pertinenciis in Egrum unde contencio fuit inter eos utrum scilicet ille sexaginta acre terre sint infra metas nominatas in carta quam idem abbas habet de Willelmo Tisun auunculo ipsius Henrici necne et unde placitum fuit inter eos in eadem curia scilicet quod predictus Henricus recognouit totam predictam terram cum pertinenciis tam in bosco quam in plano esse ius predicti abbatis et ecclesie sancte Marie de Rufford[] ut illam que est infra metas nominatas in carta predicti Willelmi per quam ipse terram illam dedit monachis de Rufford[] et quam idem abbas in curia prefata protulit et quam idem Henricus recognouit et warantizauit in hec uerba Omnibus filiis sancte matris ecclesie Willelmus Tisun salutem notum sit omnibus uobis me concessisse et dedisse in perpetuam elemosinam Deo et fratribus de Rufford[] totam terram in Haites de Egrum a parte occidentali et aquilonali Thortescrofteswang[] liberam et quietam ab omni terreno seruicio cultam et incultam Et pro hac recognicione et warantizacione et fine et concordia predictus abbas dedit eidem Henrico decem marcas argenti

Source Fulltext: Early Yorkshire Charters, the Tison Fee. C. T. Clay. Yorkshire Archaeological Society, Extra Series V.10. Yorkshire Archaeological Society. Wakefield. 1965.