Omnibus Christi fidelibus ad quos presens scriptum peruenerit Hubertus Hosatus rector ecclesie de Egrum salutem in Domino Nouerit uniuersitas uestra me diuine caritatis intuitu et pro salute anime mee et pro animabus Henrici Hosati patris mei et amore matris mee et omnium antecessorum et successorum eorum dedisse et concessisse Deo et ecclesie beate Marie de Ruford in puram et perpetuam elemosinam tres acras prati in territorio de Startorp[] scilicet in prato quod uocatur Eyngemer ex parte occidentali protensas ab austro in aquilonem a terra mea de Startorp[] quam Henricus Hosatus frater meus dedit mihi et heredibus meis pro homagio et seruicio meo imperpetuum habend libere et quiete bene et in pace ab omni exactione et demanda et ad dictas tres acras liberum introitum et exitum Ego uero et heredes mei dictas tres acras dicte ecclesie de Ruford contra omnes homines imperpetuum warantizabimus et defendemus Et ut hec mea donacio stabilis et inconcussa permaneat presens scriptum sigilli mei aposicione corroboraui Datum anno ab Incarnacione Domini m cc xviii in die sancte Cecilie uirginis Hiis t[estibus] magistro Hugone filio Swain tunc capellano de Egrum Matheo persona de Kelum Henrico de Tuc Petro filio Mauricii de Kelum Ada de Kellesholt Herueio de Muscam magistro Philippo de Brambelle Roberto de Sandeburne Nicholao de Monteburg Radulfo Tysun

Source Fulltext: Early Yorkshire Charters, the Tison Fee. C. T. Clay. Yorkshire Archaeological Society, Extra Series V.10. Yorkshire Archaeological Society. Wakefield. 1965.