Omnibus [has] literas visuris vel audituris Willelmus le Vavasor de Heselwode salutem in Domino sempiternam Noveritis me pro salute anime mee et antecessorum meorum concessisse et licenciam dedisse pro me et heredibus meis abbati et conventui de Sallai in Craven quod ipsi licite ingredi sibique et eorum successoribus tenere possint et habere inperpetuum omnes terras et tenementa que et quas Ricardus de Goldesborouh filius et heres domini Ricardi de Goldesborug militis habet in villa [et] teritorio de Boultona in Bouland cum omnibus pertinenciis suis infra villam de Boulton et extra que eciam tenementa dictus Ricardus de Goldesborouh dimisit ad firmam predictis abbati et conventui usque ad terminum decem annorum sicut scriptum inter eosdem confectum et indentatum plenius testatur Ita quod iidem abbas et conventus postquam licenciam domini regis dictas terras et tenementa ingrediendi habuerint easdem terras et tenementa habeant et teneant sibi et successoribus in liberam puram et perpetuam elemosinam inperpetuum In cujus rei testimonium presentibus literis sigillum meum apposui Datum apud Ebor die jovis in septimana Paschatis anno regni regis Edwardi filii regis Edwardi tercio

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.87. Yorkshire Archaeological Society. West Yorkshire Print Co. Wakefield. 1933.