Universis Christi fidelibus has literas visuris vel audituris Willelmus Vavasur eternam in Domino salutem Cum abbas et conventus de Craven obligati sint michi per quoddam scriptum in viginti libris bonorum et legalium sterlingorum pro ingressu terre quam tenent ad firmam de Ricardo de Goldesborouh in Boulton in Bouland solvendis michi ad certos terminos in suo scripto inde michi facto assignatos volo et fateor per hanc literam meam pro me et executoribus meis quod si predictus abbas et conventus non possunt optinere voluntatem et graciam domini et regis ad ingrediendum predictam terram quod scriptum suum obligarium nullum robur omnino habeat aut firmitatem a terminis in scripto suo prenotatis ita quod nec ego nec executores mei [nec] aliquis alius nomine meo a predictis abbate et conventu racione dicte obligacionis aliquid exigere poterimus vel vendicare In cujus rei testimonio presentibus literis sigillum meum apposui Datum apud Eselwoud manerium meum in crastino Paschatis anno regni regis Edwardi filii regis Edwardi tercio

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.87. Yorkshire Archaeological Society. West Yorkshire Print Co. Wakefield. 1933.